Fálase

O Diario Oficial de Galicia publicou a pasada noite as novas restricións da Xunta pola COVID-19, en vigor dende hoxe, que teñen como principais novidades en canto a mobilidade a apertura da área de Ferrol e un único concello, Soutomaior, con peche perimetral. Entre as mudanzas publicadas no DOG figura tamén unha relaxación das restricións nos concellos de Corcubión, Curtis e Ponteceso á marxe do resto da área sanitaria da Coruña-Cee, se ben Sanidade advirte de que é un erro que será corrixido durante a mañá. O Goberno galego volve revisar hoxe as medidas e os eventuais cambios entrarían en vigor ás 00:00 do luns.

• INTERACTIVO | As restricións actualizadas, sobre o mapa e por concellos
• A Xunta amplía os límites de asistencia pola COVID a reunións laborais ou sindicais, en velorios e os postos nas feiras

A mugardesa Belén Toimil bate o récord de España de lanzamento de peso ao lograr 18,64 metros no seu primeiro lanzamento no Campionato de Europa de Atletismo en Torun (Polonia). Toimil pasa así á final do campionato e a mínima para os Xogos Olímpicos. (Imaxe: @EuroAthletics)

A Xunta amplía ata o 12 de marzo a data límite para que a hostalería descargue os carteis co límite de capacidade e o código QR para os locais. O Goberno galego xa evitara a súa aplicación coa entrada en vigor do Plan de hostalería segura o pasado 26 de febreiro. 

O Ministerio de Sanidade e as comunidades autónomas acordan prohibir a mobilidade interautonómica durante a Semana Santa, entre o 26 de marzo e o 9 de abril, con xuntanzas dun máximo de 4 persoas non convivintes. Ademais, o toque de queda manterase nesas datas entre as 22 horas da noite e as 6 da mañá. O plan debe ratificarse a semana que vén no Consello Interterritorial do Sistema de Saúde

Xa se pode ver o tráiler do filme Nación, dirixido por Margarita Ledo, que se estreará nas salas comerciais o vindeiro 26 de marzo. Antes, a película poderá verse este 5 de marzo no CGAI da Coruña, nunha sesión que incluirá un coloquio coa directora. "Nación é un filme de mulleres, de mulleres traballadoras que soñan con voltar á fábrica. É un filme feminista, da experiencia da sororidade. Un filme de clase, das traballadoras de Pontesa, de Odosa, de Regojo, de todas as que nos representan, mulleres valentes que ensinan os dentes. Nós vimos delas", destaca.

• OPINIÓN | Por que é necesario 'Nación'?
• HEMEROTECA | Nove filmes do Panorama Audiovisual Galego de Cineuropa

A policía rexistra as oficinas da antiga Alcoa na Coruña e Avilés. A UDEF entra nas factorías de Alu Ibérica en Galicia e Asturias logo de que a Audiencia Nacional abrise unha investigación pola venda de ambas plantas. 

• AMPLIAMOS👉 A operación policial na planta da Coruña acurrala Alcoa pola estratexia para desmantelar fábricas en Galicia

A proposta do Ministerio de Sanidade ás comunidades autónomas para Semana Santa implica manter os peches perimetrais autonómicos e o toque de recollida ás dez da noite. A principal oposición á decisión, segundo transcendeu, está no Goberno da Comunidad de Madrid. O Goberno galego di optar pola "prudencia" ante eses días festivos. A decisión tomarase a vindeira semana no Consello Interterritorial de Saúde. Na imaxe, un control de mobilidade pola COVID nunha vila galega.

• Galicia agarda polo efecto da terceira 'desescalada' coa menor incidencia da COVID-19 en cinco meses

As infantas Elena e Cristina, irmás do rei, admiten que se vacinaron da COVID-19 nos Emiratos Árabes mentres visitaban ao seu pai, o rei emérito Juan Carlos de Borbón. "Ofrecéronnolo e accedemos", argumentan. (Na imaxe, con Iñaki Urdangarín nunha voda en Suecia en 2010 ©Casa Real)

• HEMEROTECA | Juan Carlos de Borbón deixa España en pleno aluvión de escándalos financeiros "para facilitar" o reinado do seu fillo
• HEMEROTECA | Máximo equilibrio en Galicia entre a poboación a prol dun referendo sobre a monarquía e a que non o ve preciso

O xornal británico The Guardian dedícalle unha reportaxe ao Galician Noir, ao fío do éxito acadado por series como O sabor das margaridas, Auga seca ou El desorden que dejas, historias policiacas do xénero negro que converten a ficción creada en Galicia nun referente internacional e que o artigo relaciona coas novelas de Carlos Reigosa e Domingo Villar ou coa investigación de Nacho Carretero en Fariña.

Varios Estados europeos desmárcanse da UE e buscan máis vacinas en Israel, Rusia ou China. Austria, Eslovaquia, Polonia, Hungría ou Dinamarca negocian a adquisición de máis doses.