A ourensá Alba Guzmán gaña o Premio de Novela Curta Xuventude Crea 2021 con Xoaniña de deus e o vilalbés Brais Lamela recibe o galardón Xuventude Crea na categoría de Poesía coa obra A linguaxe dos outros pola súa "profundidade filosófica, a modernidade e o manexo dos recursos literarios". Os premios, outorgados pola Consellería de Política Social, están dotados con 3.000 euros, e as gañadoras recibirán ademais apoio na difusión dos seus traballos.
Preto dun milleiro de coches participaron este domingo na caravana organizada polo comité de Alcoa entre San Cibrao e Burela baixo o lema 'enerxía solución'. A marcha entre as vilas transcorreu sen incidencias con berros de 'A Mariña sálavase loitando', mentres o persoal de dous turnos estaba dentro da fábrica de aluminio traballando. No horizonte está a folga xeral de 24 horas convocada por CIG, CCOO e UGT para o 17 de novembro. Ata ese día, continuarán as protestas, pois o comité de Alcoa xa anunciou unha nova mobilización nocturna para o vindeiro sábado. [Na imaxe, de arquivo, unha protesta dos traballadores na Mariña CC-BY-SA CC]
Rexistrado outro terremoto ao norte do Ortegal, desta vez de 3,3 na escala Richter. O deste domingo é o sétimo con epicentro no Mar Cantábrico notificado desde o acontecido o venres, que se deixou notar en boa parte do norte de Galicia.
Baiuca xa aterrou en Madrid [na imaxe, © Raso Estudio]. Os cinco galegos que estiveran retidos na capital de Sudán desde a noite do pasado domingo lograran abandonar Khartún este venres, e a peripecia levounos por Etiopía e Italia ata conseguir chegar á Península. "Por sorte, os artistas estiveron vixiados, acompañados e protexidos as 24 horas polo persoal da embaixada de España e xa están de volta con ganas de voltar aos escenarios", salientan desde Raso Estudio nun comunicado, no que destacan que o maior apoio que se lle pode dar agora ao grupo é encher as súas vindeiras actuacións.
Off the record, de Virxilio Rodríguez Vázquez, gaña a sexta edición do premio Xosé Neira Vilas de Novela Curta. O xurado destacou "o acerto na recreación dunha trama investigadora que transcorre na Galicia bonaerense". Foto: Brais Lorenzo.
Nesta vindeira madrugada cambia a hora. Ás 3 volverán ser as 2 para adaptarse ao horario de inverno, unha decisión que segue a erguer o debate, tanto pola idoneidade de manter a mudanza como polo fuso horario que lle comprería a Galicia. Foto: CC-BY Prelude2000
ENTREVISTA | Jorge Mira: "Eliminar o cambio de hora sería asumir que vivimos nunha Terra plana"
Baiuca saíu de Sudán, así o confirman desde Raso Estudio, o selo da banda galega [na imaxe © Raso Estudio]. Tanto Alejandro Guillán como Xosé Lois Romero, Andrea Montero, Adrián Canoura e Alfonso García se atopan xa fóra da capital do país, onde permaneceron na residencia da embaixada española por mor do golpe de estado militar. Despois de cinco días pechados, fican por diante varias escalas en aeroportos ata que cheguen a Galicia. A data exacta do seu regreso dependerá dos voos que poidan coller nas vindeiras horas.
Feijóo anuncia que o novo plan de infraestruturas do Sergas creará 37 centros de saúde e reformará outros 14. Anúnciao tras confirmarse que o orzamento para Atención Primaria deixa de subir durante a súa era á fronte da Xunta sen chegar a superar o da coalición PSdeG-BNG.
Feijóo nomea Almudena Chacón, ata agora interventora xeral da Xunta, nova directora xeral de Orzamentos, despois de ascender o seu anterior titular, Miguel Corgos, tras a morte do anterior conselleiro de Facenda, Valeriano Martínez. O novo interventor xeral da Xunta será Arturo López Iglesias, ata agora auditor do Consello de Contas.
O Tribunal Superior de Xustiza de Galicia autoriza a Xunta a esixir o certificado COVID de vacinación, recuperación ou unha proba diagnóstica negativa ás persoas maiores de 12 anos para aloxarse nos albergues turísticos con cuartos compartidos que utilicen toda a súa capacidade. Isto non será necesario se o albergue fica ao 50% da súa capacidade máxima nin cando todos os ocupantes realicen as etapas do Camiño de Santiago no territorio galego nun mesmo grupo burbulla ou de convivencia estable. A medida entra en vigor este sábado e permanecerá activa ata o día 20 de novembro.
O alto tribunal considera que é unha medida "proporcionada", xa que entende que supón unha "restrición en grao mínimo de dereitos fundamentais", fronte "á forte salvagarda que se pretende do dereito á vida e á saúde". Os maxistrados constatan a eficacia da vacinación [na imaxe, vacinación simultánea da gripe e da terceira dose contra a COVID na Coruña CC-BY-SA Sergas] e salientan que nos albergues hai persoas de diferentes procedencias "con coberturas vacinais menores que as de Galicia".
