Medio cento de trens non circularán en Galicia este venres día 2 de marzo pola folga de maquinistas que se repetirá noutros cinco días do mes. Aquí podes ver o listado completo.
![](https://praza.gal/media/cache/live_image/xornal/uploads/falase/foto/5a97ce8f181fb-renfe.jpg)
Medio cento de trens non circularán en Galicia este venres día 2 de marzo pola folga de maquinistas que se repetirá noutros cinco días do mes. Aquí podes ver o listado completo.
A taxa turística entra en vigor no Porto dende este 1 de marzo. O Concello da cidade fixouna en 2 euros por noite para todos os hóspedes maiores de 13 anos, que pagarán un máximo de sete noites. Atinxe a todos os establecementos que ofrecen aloxamento turístico. O goberno local estima que ingresará uns 6 millóns ao ano, segundo recolle o xornal Público. A Xunta vénse negando recorrentemente a aplicar esta medida en Santiago, como pide o Concello, xa que estima que sería prexudicial para o turismo.
Condena de oito anos e medio de inhabilitación ao alcalde de Xinzo por contratos a dedo. Antonio Pérez, que causou baixa no PP por este proceso, foi xulgado por un delito continuado de prevaricación administrativa.
A xornada deste martes concluirá con importantes acumulacións de neve en gran parte de Galicia, especialmente no centro da provincia de Lugo e no sur de Ourense, tal e como reflicte o radar de Meteogalicia
O Concello de Baiona cancela agora o campo de golf que prevía construír no alto dun monte comunal argumentando que podía regalo co que alí chovese. Ademais da oposición veciñal, a Consellería de Sanidade tamén criticara o campo, cuxo deseño foi encargado en 2015 polo daquel alcalde e agora conselleiro, Jesús Vázquez Almuiña.
O Consello de Europa sinala os populares Xavier García Albiol e Javier Maroto como exemplos de discursos políticos xenófobos. Inclue a referencia a ambos dirixentes do PP na súa etapa como alcaldes de Badalona e Vitoria dentro do quinto informe sobre España da Comisión Europea contra o Racismo e a Intolerancia, no que se insta o Goberno español a crear un organismo independente para previr este tipo de condutas.
Volven convocar a charla de Josep Pámies en Vigo, que fora suspendida hai unhas semanas tralas críticas recibidas pola presenza do naturópata catalán coñecido por negar a existencia da Sida ou afirmar que pode curar o cancro con plantas. A Escuela Internacional de Desarrollo Humano, organizadora do evento, publica que o encontro se celebrará no Hotal Coia de Vigo o 9 de marzo ás 18 horas, con entradas a 5 euros.
Neva en boa parte de Galicia nunha xornada moi fría e con alerta laranxa en varias comarcas. O uso de cadeas é obrigatorio en varias estradas e noutras está prohibido o paso de camións, moitos deles parados desde a pasada noite. Foto de @GXDRadioGalega
O informe xurídico encargado pola Deputación da Coruña avala a nulidade da transmisión do inmoble por ser simulada. O documento aposta por acudir á vía xudicial. Ampliamos aquí a información.
O máis grande de Galiza está até a cona. O BNG reinterpreta a campaña da Xunta do pasado 25N para chamar á folga feminista do 8 de marzo. A portavoz nacional do Bloque e outras representantes da formación soberanista veñen de presentar a acción coa que apostan por "combater a desigualdade e rachar co machismo e o paternalismo". Consulta aquí toda a información