Aprobada a nova lei dos medios públicos no Parlamento coa maioría absoluta do PP. O pleno trascorre coa protesta de traballadoras e traballadores da CRTVG en folga.
Fálase
-
O Instituto Galego de Estatística pasa a ter dependencia orgánica directa do presidente da Xunta. O Goberno galego adscribe o IGE á nova Oficina de Coordinación Económica da Presidencia dentro dun plan que, di busca converter este órgano nun "centro de datos que apoie a Administración autonómica na toma de decisións" e inclúe lanzar un contrato para que "empresas tecnolóxicas poidan ofrecer os seus servizos para centralizar, xestionar e explotar os distintos datos dos que dispón a Xunta". Ese plan foi incluído nun informe que tratou este luns o Consello da Xunta, presidido polo conselleiro Diego Calvo en ausencia de Alfonso Rueda, de viaxe oficial no Uruguai. Na imaxe, Rueda nas instalacións de San Caetano [CC BY-SA David Cabezón / Xunta]
A Catedral de Lugo acolle un funeral na memoria da alcaldesa da cidade, Paula Alvarellos, con ampla representación institucional. O acto, impulsado polo Bispado lucense, celebrouse na véspera da toma de posesión do socialista Miguel Fernández como novo alcalde, que será elixido no pleno municipal convocado para as 19:00 deste martes. Fernández encabezou ata o templo unha comitiva conformada por toda a corporación municipal, dentro da que os membros do BNG ficaron no adro da basílica para secundaren a homenaxe á rexedora falecida, pero non cerimonia relixiosa. [Imaxe: Concello de Lugo]
Anticorrupción abre unha investigación a Vox por financiamento irregular. As pescudas da Fiscalía Anticorrupción xorden da denuncia interposta polo PSOE en decembro e céntranse na orixe de 4,6 millóns de euros de préstamos. Foto: © Vox
A Festa da Filloa de Lestedo celebra o seu día grande como Festa de Interese Turístico Nacional e entrega os seus Mandís de Honra. Foron distinguidos polo seu apoio e colaboración o conselleiro de Facenda, Miguel Corgos; o conselleiro de Sanidade, Antonio Gómez Caamaño; o vicepresidente da Deputación da Coruña, Xosé Regueira; o director da Axencia de Turismo de Galicia, José Manuel Merelles; a presidenta da Federación de Asociacións de Persoas Xordas de Galicia, María Alonso; e a xornalista e directora do informativo Galicia por Diante Fin de Semana da Radio Galega, Isabel Pichel.
Mobilizacións da mañá á tarde este 8M, Día internacional da muller, en toda Galicia.
Ana Peleteiro, campioa de Europa en triplo salto. A ribeirense sitúase por segunda vez como a mellor atleta europea nesta disciplina, tras saltar 14.37 metros. [📸 @atletismoRFEA]
Ana Peleteiro critica a cobertura de RTVE dos europeos de pista cuberta tras clasificarse para a final de triplo salto. A atleta galega denuncia que a canle pública priorizase un Madrid-Barça de fútbol feminino ao campionato de Europa de atletismo. "É sempre o mesmo", dixo. Foto: RFEA
O Baxi Ferrol, a un paso da final da Eurocopa tras vencer o Asvel francés 93-62. O equipo galego defenderá unha renda de 31 puntos en Lyon na volta da competición europea, na que continúa a facer historia nunha Malata ateigada. Foto. FEB.
O PP retira un vídeo para acusar de "corrupción" a Pedro Sánchez tras unha protesta formal do Goberno da República Dominicana. Na montaxe, realizada con intelixencia artificial -na imaxe, unha captura do vídeo- o equipo de Alberto Núñez Feijóo situaba o presidente do Goberno de España, á súa esposa e outros cargos e ex-cargos nun espazo chamado La isla de las corrupciones ilustrada coa bandeira dese país
