Centos de persoas acampan en Madrid para exixir o “decreto Maricarmen”. Varios centos de persoas pasaron a noite na Porta do Sol de Madrid para exixir a aprobación do decreto sobre vivenda, que xa bautizaron como 'decreto Maricarmen', no Consello de Ministros que se celebrará o vindeiro martes.
[Imaxe: @InquilinatoMad]
Falece en Vigo ‘Peón Kurtz’, un dos fundadores da banda Def Con Dos. Na noite deste venres, 25 de setembro, morreu José Costas Peón, coñecido como ‘Peón Kurtz’, fundador de Def Con Dos e irmán de Miguel Costas Peón (Siniestro Total) e Rosa Costas Peón (Aerolíneas Federales). “Peón Kurtz amou profundamente a música, o cinema e os cómics, case tanto como á súa nai, ao seu fillo e aos seus irmáns”, subliña o xornalista e escritor Renato Landeira, que informou da noticia en redes sociais.
A compostelá Alejandra Neira, campioa do mundo de ciclismo na categoría junior. A corredora galega do Movistar impúxose no Mundial que está a celebrarse en Montreal. [Imaxe: © RFE Ciclismo]
Susana Rodríguez gaña o seu oitavo título mundial nos mundiais de tríatlon que se celebran en Pontevedra. A galega vence, xunto a súa guía Sara Pérez, na proba de paratriatlon, na que é a súa terceira medalla de ouro consecutiva.
Abanca merca a sede do British Council en Madrid para "impulsar o seu proxecto estratéxico" nesa cidade. O banco di que converterá o histórico inmoble no seu "edificio insignia" na capital de España. O complexo ten unha superficie de 4.000 metros cadrados.
‼️Chegou o día! Velaquí o programa do I Foro #PrazaNaÁgora: O papel da mocidade na crise democrática, que acolle este venres, 25 de setembro o CSC Maruxa e Coralia, en Santiago. Unha xornada para debater sobre vivenda, redes, precariedade e o futuro da democracia:
☀️ MAÑÁ
• 11:30h | Apertura institucional e liñas mestras.
• 11:55h | Beef #1: A visión desde a academia
• 13:00h | Beef #2: Eu que pinto aquí?
🌙 TARDE
• 18:30h | Beef #3: Todo pasa nas redes
• 19:50h | Beef #4: Que empece a festa con Lisdexia 🎶
🗓 Hoxe, 25 de setembro
📍 CSC Maruxa e Coralia (Santiago)
🎟 Entrada libre
🤝Organiza a área de Dereitos Civís da Deputación da Coruña coa Fundación Praza Pública
↪️Toda a info
A Inspección de Traballo constata a "conduta discriminatoria" de Mercadona contra persoas afiliadas á CIG e proponlle unha sanción de 50.000 euros. O caso analizado refírese a unha delegada do sindicato nun establecemento da compañía en Vigo e advirte dun sistema de valoración do persoal que castiga quen exerce dereitos sindicais.
Un incendio en Calvos de Randín que xa supera as 100 hectáreas obriga a declarar a Situación 2 por proximidade a vivendas. Segundo a Xunta o lume achégase ao núcleo de As Meaus, no veciño concello de Baltar. Mentres, a Xunta segue sen dar por extinguido o incendio iniciado en Quiroga hai case dez días, o 15 de setembro, e que queimou xa máis de 460 hectáreas. [Foto de arquivo: UME]
A escritora Eli Ríos denuncia unha agresión por parte de catro homes tras pedirlles baixar o volume da música. A tamén presidenta da asociación cultural Tempo Novo de Elviña e Castro, na Coruña, asegura que foi rodeada e ameazada por catro persoas na praza cabo da entidade que preside.
Ampliado o período "perigo alto" de incendios forestais en Galicia ata 15 de outubro. Medio Rural fai oficial no DOG a decisión de estender dúas semanas a época con maiores recursos contra o lume no monte, que ía rematar o 30 de setembro "debido ás actuais condicións meteorolóxicas". Na imaxe, incendio forestal a pasada semana en Quiroga [CC-BY-SA ATBrif]
