Aena informa de que o aeroporto coruñés de Alvedro “activou o seu plan de emerxencia por ameaza no voo Bilbao-A Coruña operado por Volotea”, que aterrou ás 7.30 desta mañá. O ente xestor dos aeroportos sinala que o pasaxe desembarcou, o avión estacionouse afastado e o aeroporto permaneceu operativo. Ás 10.00 horas o plan de emerxencia foi desactivado, segundo informa a Delegacion do Goberno de España, tras comprobar a Garda Civil que "non existía ningunha ameaza real".
Pontevedra acollerá a final do Campionato do Mundo de Tríatlon en 2023, en ano preolímpico, unha proba clave para a clasificación cara aos Xogos Olímpicos de París 2024. Así o anunciou o alcalde da cidade, Miguel Anxo Fernández Lores, xunto á presidenta da Deputación de Pontevedra, Carmela Silva, despois de que llo comunicase a Unión Internacional de Triatlón (ITU).
O deportista Javier Gómez Noya [na imaxe ©ITU Pontevedra 2019] , que resultou gañador do Mundial de Triatlón en 2019, foi o padriño da candidatura. Pontevedra xa acolleu varias probas do campionato de Triatlón no ano 2019 e agora albergará as probas decisivas das categorías Elite, Sub-23 e Paratriatlón.
Pedro Sánchez anuncia unha terceira dose da vacina contra a COVID a maiores de 60 anos e persoal sanitario.
O Concello de Ourense divulga unha mensaxe en vídeo de Jácome na que o alcalde ourensán reduce a "engano" as reivindicacións da plataforma SOS Ourense, que mañá se mobiliza na cidade contra o que consideran unha "desfeita" promovida polo rexedor xunto ao PP
En marcha a manifestación que reclama "futuro para A Mariña" en Burela durante a xornada de folga xeral na comarca. que os sindicatos aseguran que é xa "un éxito". "Polígonos parados, comercio, hostalería e sector servizos pechados e aulas case baleiras", di a CIG. Desde os Concellos advirten do "amplo seguimento" do paro. Máis información, hoxe en Praza.gal. (Imaxe: GeC)
Morre aos 69 anos o escritor, tradutor e académico chairego Darío Xohán Cabana. (Imaxe: © RAG)
Falece Xosé Manuel Sánchez Mesejo, ex-coordinador comarcal de EU na Coruña, candidato á alcaldía en 2003 e membro destacado de CCOO e do Partido Comunista. Foi tamén un dos fundadores da Comisión pola Recuperación da Memoria Histórica da Coruña. Foto: EU-Coruña
Gandeiros concéntrase ante a factoría de Larsa en Outeiro de Rei para reclamar "prezos xustos". para o leite. Convocados por UUAA, reclaman unha suba no importe ante o incremento dos custos de produción e anuncian "un boicot" ás industrias "que non muden a actitude".
Transportistas comezaron este martes o traslado de carbón desde Ferrol ata a central térmica das Pontes. Endesa ten previsto reactivarse nos vindeiros días de solicitarllo Red Eléctrica Española ante a continua suba dos prezos da enerxía.
A Xunta actualiza a 3.300 millóns o investimento que considera pendente para modernizar o ferrocarril galego. A cifra vai na liña do estimado tamén por Adif ou o Eixo Atlántico de cidades, ou por ela mesma cando con Asturias e Castela e León calculou hai dous anos en 3.100 millóns o investimento pendente no Corredor Atlántico de mercadorías.
