A CIG convoca unha folga indefinida nos Servizos de Axuda no Fogar a partir do 2 de novembro e rexeita o preacordo de CCOO e UGT coa patronal para renovar o convenio do sector. O sindicato nacionalista denuncia que este convenio prevé subas salariais por debaixo do IPC e "introduce unha dobre escala salarial que suporá unha discriminación en función do concello no que se traballe"
O Banco Santander logra un beneficio récord de 7.316 millóns de euros ata setembro, segundo a información remitida á CNMV, o que supón un crecemento do 25% interanual. Nesta mesma xornada, a eléctrica Iberdrola vén de presentar uns resultados con ganancias de 3.104 millóns "malia á caída do 14% en España", di a compañía. Ambas empresas están atinxidas polos impostos extraordinarios que ultima o Goberno de España e as dúas rexéitanos. Na imaxe, a presidenta do Banco Santander, Ana Patricia Botín, e o presidente de Iberdrola, Ignacio Sánchez Galán. [© Banco Santander | © Iberdrola]
Continúan polas principais cidades as concentracións previas á manifestación para "rescatar" a CRTVG do "secuestro da Xunta". Este xoves, persoal do comité intercentros dos medios públicos e das organizacións que apoian a mobilización concentráronse en Vigo para "chamar a participar" na mobilización do 6 de novembro en Santiago.
Marilar Aleixandre, galardoada co Premio Nacional de Narrativa 2022 -que concede o Ministerio de Cultura- pola súa obra As malas mulleres. A resolución destaca "a súa orixinal estrutura híbrida que a converte nunha singular novela histórica sobre a situación carceraria das mulleres no século XIX, cun admirable dominio do diálogo e da linguaxe"
Transportes encarga o estudo dunha nova estrada de acceso a Vilagarcía desde a AP-9. O ministerio quere avaliar conxuntamente a futura circunvalación de Caldas de Reis polo oeste e unha nova vía que evite a circulación polas travesías da actual N-640.
WhatsApp cae a nivel global. Persoas usuarias do popular servizo de mensaxería, propiedade de Meta (Facebook) están a reportar o fallo en todo o mundo. Contra as 11 da mañá o servizo comezou a restablecerse sen que a compañía emitise ningún comunicado ao respecto [Imaxe: CC-BY-SA Mourizal Zativa / Unsplash]
Rishi Sunak será o novo primeiro ministro do Reino Unido despois de impoñerse nas primarias do Partido Conservador tras a retirada de Boris Johnson e a falta de avais de Penny Mordaunt. O sucesor de Truss foi ministro de Economía con Johnson e convértese no primeiro gobernante de ascendencia asiática no país e o quinto líder conservador nos últimos seis anos.
A Coruña será a cidade que apoiará a Xunta para acoller a Axencia Estatal de Intelixencia Artificial en Galicia. Así o vén de anunciar o director de Amtega logo da reunión do Nodo Galego de Intelixencia Artificial celebrada esta mañá para analizar o informe sobre a mellor localización en Galicia da futura sede.
A proba do novo sistema de alertas de Protección Civil en teléfonos móbiles será en Galicia este xoves, 27 de outubro. O Ministerio do Interior explica que "soará nalgúns teléfonos móbiles, acompañado de vibración" e especificará "que se trata dunha mensaxe de proba", polo que "non hai que facer nada especial". O coñecido como "112 inverso" é un sistema que queda "á disposición das autoridades de protección civil de ámbito estatal e autonómico" para trasladar alertas inmediatas á poboación dunha determinada zona en caso de "emerxencias ou catástrofes"
Loito oficial este luns en Vigo na memoria da muller asasinada este domingo a coiteladas por un veciño este domingo na rúa Zamora. "Trasladamos o noso pésame á familia e amosamos o noso rexeitamento a un crime tan terrible", sinala o goberno local vigués.
