A Xustiza ordena un inventario dos bens que os Franco teñen no Pazo de Meirás. O Xulgado de Primeira Instancia número 1 da Coruña estima a petición de medida cautelar solicitada polo Estado para inventariar "a totalidade dos bens existentes" no interior e no exterior das Torres. A familia do ditador non poderá retirar nada do presio mentres non finalice esta acción o vindeiro 11 de novembro.
Verónica Boquete ficha polo Milan. A futbolista galega deixa a liga dos EUA para incorporarse ao histórico equipo italiano logo de xogar tamén no PSG, Bayern de Múnic, Tyresö ou Frankfurt.
A Xunta rectifica e permite agora que os grupos de convivencia estable no traballo poidan tamén comer xuntos no comedor de empresa. A Orde de Sanidade do pasado mércores restrinxía só a conviventes o uso en grupo dos establecementos de restauración de centros sanitarios ou de traballo, os únicos aos que permite servizo no local, e este luns unha nova orde permíteo tamén a “persoas traballadoras que formen un grupo de convivencia estable dentro do centro de traballo”.
O grupo empresarial estadounidense Centene, propietario de Povisa, culmina a compra do hospital privado lucense Polusa a través da súa filial española, Ribera Salud, unha vez autorizado pola CNMV. Cóntao El Progreso
Falece aos 110 anos Josefina Villaverde, a muller máis lonxeva de Galicia e tamén a militante máis veterana do PSdeG-PSOE. O presidente do Goberno de España e secretario xeral do PSOE, Pedro Sánchez, e mais o líder do PSdeG, Gonzalo Caballero, trasladaron as súas condolencias polo falecemento desta veciña de Cuntis, que estaba a piques de facer os 111 anos en apenas dúas semanas. Na imaxe, nunha visita de membros do PSdeG á súa casa en 2016.
O peche perimetral de Tui decretado pola Xunta pecha tamén parcialmente o paso fronteirizo con Valença do Minho. Na liña do estipulado no estado de alarma, esa mesma limitación rexe en Verín, en ambos casos con excepcións para desprazamentos laborais, regreso ao lugar de residencia e o resto de razóns contempladas polo Goberno galego e en todo caso para quen vaia en tránsito a outro municipio. No resto da raia, o tránsito está permitido. Mañá, luns, primeiro día laborable con estas restricións, entra en vigor o novo estado de emerxencia en Portugal, con confinamento nocturno en 121 concellos.
Luis Arce toma posesión como novo presidente de Bolivia. "Somos a maioría, gañamos as eleccións, a poboación boliviana votou pola paz", subliñou tras asumir o cargo. O Estado español estivo representado no acto polo rei e o vicepresidente segundo, Pablo Iglesias. No nome do BNG, acudiu Ana Miranda.
Joe Biden xa ten votos dabondo para ser o vindeiro presidente dos Estados Unidos de América. Varios medios estadounidenses, como o New York Times, ratifican que, tras imporse a Donald Trump no estado de Pennsylvania, o candidato demócrata ten xa asegurada a elección presidencial. O propio Biden dá xa a vitoria por feita nas súas contas oficiais nas redes sociais.
Joe Biden achégase máis á vitoria nas eleccións presidenciais dos EUA e está a apenas seis votos electorais dos precisos para desbancar a Donald Trump, que teima nas súas acusacións de fraude sen achegar probas ao respecto. O reconto, non obstante, aínda segue (Imaxe: C-SPAN). "Os números son claros, imos gañar", afirma o candidato demócrata
O Xulgado ordena á familia Franco devolver Meirás ao Estado o 10 de decembro. A maxistrada admite a petición do Goberno central despois de que os herdeiros tamén o aceptasen. Executarase así provisionalmente a sentenza do pasado 2 de outubro á espera da resolución do recurso que presentaron os franco. A devolución chegará 82 anos e 5 días despois da entrada do ditador no pazo.
