Fálase

A Xunta prevé que a vacina da Meninxite B para bebés sexa gratuíta “a partir de novembro”. Alfonso Rueda prometeu en maio no seu debate de investidura que o Sergas sumaría tres novas vacinas gratuítas ao calendario infantil (meninxite B, virus do papiloma humano para nenos e non só para nenas e antigripal tetravalente) e este xoves o Consello da Xunta autorizou a contratación das primeiras. [Na imaxe, vacinación infantil contra a COVID - CC BY-SA Xunta]

• HEMEROTECA | Ter un bebé en Galicia: Vacínao, pero págao ti

O Parlamento fai pública a declaracións de bens de Feijóo tras o seu cesamento como deputado despois de pasar pola comisión correspondente. O seu contido coincide coa que entregou ao Senado, que reflicte que é accionista de Inditex e investidor con Abanca, así como un notable incremento patrimonial polo que o BNG pediu a súa comparecencia, freada polo PP. Na imaxe, Feijóo o pasado 25 de xullo en Santiago, flanqueado polos presidentes da Xunta e do Parlamento e mais coa vicepresidenta Yolanda Díaz e co alcalde de Santiago.

• A primeira declaración de bens de Feijóo en Madrid reflicte que é accionista de Inditex e investidor con Abanca

Jácome cesa os concelleiros do PP e acúsaos de xogar con Ourense “polos tempos electorais do seu novo candidato". 

• AMPLIAMOS 👉 Jácome cesa os concelleiros do PP e acúsaos de xogar con Ourense "polos tempos electorais do seu novo candidato"

Rafael Louzán, actual presidente da Federación Galega de Fútbol, será o novo responsable da Segunda Federación, cuarta categoría do fútbol profesional español. A Audiencia Provincial ratificou o pasado maio a súa condena por prevaricación e a súa inhabilitación para emprego ou cargo público. 

• Só o Supremo pode evitar que Louzán deixe de presidir o fútbol galego

O presidente da Xunta e membros do Goberno central asistiron esta mañá á ofrenda da Casa Real na Catedral de Santiago, onde Felipe VI pediu a intercesión do Apóstolo para "atopar certezas" á hora de afrontar os actuais momentos "moi duros". Foto: CC-BY Xunta. 

Santiago acolleu a pasada noite os tradicionais Fogos do Apóstolo, que volveron ser lanzados dende cinco puntos diferentes da cidade. Este espectáculo pirotécnico deu paso ao día grande das festas da capital galega e a este Día Nacional de Galicia. [Imaxe: © Concello de Santiago]

• Santiago celebra "con forza" as Festas do Apóstolo con moita música, cabezudos, cine ao aire libre e espectáculos pirotécnicos

O Sergas emite un comunicado para asegurar que os puntos de atención continuada (PAC) de Pontevedra e o Salnés contan con médico este venres e sábado en todas as quendas, algo que non sempre vén ocorrendo.

• HEMEROTECA | O plan de vivenda gratis para atraer persoal médico a Sanxenxo exclúe profesionais de Galicia e capta tres de Madrid

Ferroatlántica detén a produción do último forno que tiña en funcionamento en Sabón (Arteixo) e avanza un ERTE en setembro. 

O Ministerio de Transportes informa con só unhas horas de antelación do corte total da AP-9 entre Santiago e Sigüeiro durante a próxima noite. Por mor das obras do enlace Orbital de Santiago todo o tráfico desviarase pola N-550 nun rodeo duns 15 quilómetros entre as dez da noite deste xoves e as seis da mañá do venres. [Na imaxe, do Google Street View, a travesía urbana de Sigüeiro pola que terá que pasar todo o tráfico].

O Consello da Xunta propón os dous días festivos de ámbito galego do calendario laboral de 2023, que serán o 17 de maio Día das Letras e o 25 de xullo Día Nacional. A estes festivos hai que engadir os de ámbito estatal e dous máis que decide cada concello.