Fálase

O novo auditorio de Lugo chamarase 'Fuxan os ventos', en homenaxe ao histórico grupo musical. "É un dos grupos musicais galegos máis importantes e no vindeiro ano 2022 cumpriranse 50 anos daa súa formación", destaca a edil lucense de Cultura, Maite Ferreiro. A nova infraestrutura cultural foi rematada pola Xunta en 2016 e chegara a ser inaugurada, pero o deterioro da obra por mantelo pechado e discrepancias co Concello sobre os seus remates viñeron adiando a entrega e apertura definitiva, que aínda non se produciu. Na imaxe, membros actuais de Fuxan os Ventos durante a gravación dun disco conmemorativo en 2008.

O Goberno de España nomea presidente do Consello Económico e Social (CES) o vigués Antón Costas.

• HEMEROTECA | Antón Costas: "Doulle á competencia un valor social que a esquerda non sabe ver"

O Diario Oficial de Galicia publica as restricións da Xunta pola COVID-19 que estarán en vigor dende mañá, 19 de marzo. Podes consultalas aquí sobre o mapa e por concellos

• A Xunta amplía ata as 21 horas a apertura da hostalería co interior ao 50% na maior parte de Galicia
• BUSCADOR INTERACTIVO | As restricións, concello a concello

A Xunta decide que a hostalería poderá abrir na maior parte de Galicia ata as 21 horas desde o venres. Nos 290 concellos con menos de 150 casos de COVID-19 por 100.000 habitantes nos últimos 14 días amplíase tamén a capacidade no interior dos locais ata o 50%. O toque de recollida permanece ás 22 horas.

• AMPLIAMOS 👉 A Xunta amplía ata as 21 horas a apertura da hostalería co interior ao 50% na maior parte de Galicia

Falece aos 84 anos o historiador Xosé Ramón Barreiro Fernández, segundo confirma a Fundación Rosalía de Castro, da que era padroeiro. Barreiro foi presidente da Real Academia Galega entre 2001 e 2009. 

• OBITUARIO | Morre Xosé Ramón Barreiro, deixando décadas de paixón e compromiso co estudo da historia de Galicia

A Xunta reduce a tres os concellos no nivel máximo de restricións dende o vindeiro venres: Vilardevós, Paradela e Maside. Sete localidades situaranse no nivel alto: Sobrado, Soutomaior, Boborás, A Mezquita, Pontecesures, Neda e Arteixo. O resto de Galicia estará no nivel medio. Este mércores pola mañá o Goberno galego informará doutras medidas adoptadas no Comité Clínico e que estarán en vigor durante a ponte de San Xosé.

• MAPA INTERACTIVO | Podes consultar aquí o nivel no que se atopará cada concello e as medidas que se aplicarán

BNG e PSdeG preguntarán a Feijóo pola 'caixa B' do PP na vindeira sesión de control do Parlamento. Ambas formacións ratifican que o ven preciso tras declarar Luis Bárcenas na Audiencia Nacional que o PP galego xestionou doazóns ilegais en anos nos que o actual presidente da Xunta xa lideraba o partido en Galicia.

• 📺CON VÍDEO | Bárcenas atribúe á contabilidade 'b' 2 millóns en doazóns do PP galego datadas cando Feijóo xa o presidía

A Audiencia da Coruña ordena investigar por detención ilegal aos dous policías que arrestaron o capitán do Deportivo, Álex Bergantiños, acusado de corrupción polo partido co Fuenlabrada, feitos que resultaron arquivados . Os xuíces din que “nada avalaba o prognóstico” de que Bergantiños non comparecería ao ser chamado a dependencias policiais e “de ningún xeito existía risco de fuga”.

• AMPLIAMOS 👉 A xustiza investigará por detención ilegal os policías que arrestaron a Álex Bergantiños, capitán do Deportivo
• Hemeroteca (Agosto de 2020) | A xuíza ve “sorprendente” a acusación policial de corrupción ao capitán do Dépor polo partido co Fuenlabrada e arquívaa

O Ateneo de Santiago entrega o Premio Alfredo Vicenti de Xornalismo Cívico a Adela Bértolo Lueiro polo artigo #UNSEGREDOAVOCES. A loita feminista do alumnado da ESADg continúa na rede, publicado en Vinte. No acto, celebrado este luns, tamén entregou os accésits do galardón a David Reinero pola serie de reportaxes O que custou o AVE a piques de rematar, publicada en  Praza.gal, e a Marta Otero Mayán pola reportaxe Menores migrantes, ayer y hoy, publicada en La Opinión de A Coruña. Na anterior edición do premio, a de 2019, a gañadora fora Montse Dopico por outra reportaxe publicada en Praza.gal.

O antigo párroco de Seixalbo (Ourense) acepta unha condena de 40 días de traballos en beneficio da comunidade por enviar "671 mensaxes de WhatsApp con contido sexual" a un menor en 2019. Segundo avanza o TSXG, o crego "recoñeceu os feitos" e chegou a un acordo sobre a condena por acoso coa Fiscalía e a acusación particular, polo que non chegou a celebrarse o xuízo que estaba previsto para hoxe. Antes do xuízo xa pagara unha indemnización e pasa a ter prohibido comunicarse ou achegarse á vítima durante dous anos.