Dende o venres ata o domingo unha trintena de novos murais encherán de cor as paredes deste barrio ferrolán, nun evento que une arte e rexeneración urbana e que botou a andar no ano 2008. Esta edición está centrada nas creadoras femininas e na muller na arte
Ata o 7 de setembro 350 surfistas pasarán por esta praia, entre eles algúns dos nomes máis destacados do panorama internacional. O pasado ano máis de 100.000 persoas asistiron ás distintas competicións, ás que se unen concertos e numerosas actividades de reciclaxe de plásticos e coidado do medio.
Este venres inaugúrase en Mugardos unha exposición fotográfica sobre os feitos coa presentación do libro A fuxida do bou Ramón, de Eliseo Fernández e Enrique Barrera. O barco partiu de Ares e chegou ás costas francesas, pero varios dos seus ocupantes acabaron en campos nazis ou detidos pola Gestapo
O Concello de Ferrol atende a un total de 138 persoas maiores a través do seu servizo de teleasistencia. 129.000 persoas de máis de 65 anos viven soas en Galicia, unha cifra que vén aumentando nos últimos anos
A planta, en funcionamento desde 2007, solicita agora unha avaliación completa do seu impacto ambiental despois de que hai tres anos o Goberno central a eximise dese trámite durante o seu primeiro intento de legalización
O alto tribunal invalida a decisión do Goberno central daquela en funcións de eximir a planta de Mugardos dunha avaliación ambiental completa
O rexedor socialista e Jorge Suárez compareceron para detallar o "acordo de gobernabiildade" de dez puntos acadado entre as dúas formacións, co compromiso de "dar estabilidade" ao goberno municipal durante os vindeiros catro anos. Sinalan que "non é o mellor inicio, pero é un bo inicio"
A caída das dúas ofertas devolve os máis de 100 traballadores da planta de Narón á posición de saída. Esixen un "compromiso político" para manter os empregos e reclaman que se diversifique a procura para non cinxirse unicamente ao sector do plástico.
Dende 1983 a esquerda non gobernaba a cidade en dous mandatos consecutivos; desta volta o socialista Ángel Mato substitúe a Jorge Suárez, de Ferrol en Común, á fronte da alcaldía. FeC e BNG manifestaron a súa disposición a entrar no Goberno e Mato xa avanzou que non desexa gobernar en solitario
O PP rolda e mesmo supera o 50% dos votos en boa parte do centro da cidade, o barrio da Madalena e tamén en parte dos Ensanches. Porén, o PSdeG de Ángel Mato crece en barrios como Caranza ou Esteiro, obtendo deste xeito a Alcaldía.
O xulgado insta a administración local a indemnizar con 1.000 euros a cada empregada, ás que obrigou a acudir aos seus postos a pesar de non estar incluídas nos servizos mínimos acordados. CIG e CC.OO. celebran a decisión e critican á alcaldesa, Pilar Díaz (EU)