Este martes finaliza o periodo de consultas do ERE. Os traballadores denuncian a "insistencia" de Alcoa cando está sobre a mesa unha oferta dun comprador interesado en adquirir a factoría, Liberty House Group, que este luns mantivo un encontro co comité de empresa, que cualifica a súa proposta de "solvente".
Como co centro vigués, a operación chega a través da filial española de Centene Corporation, o grupo Ribera Salud, noutrora propiedade da desaparecida Caja de Ahorros del Mediterráneo. No último ano con datos dispoñibles, 2017, o Sergas recoñecía unha facturación de 3,46 millóns de euros con Polusa en concepto de actividade sanitaria concertada
Xermolos muda o formato habitual do festival por outra adaptada ás restricións da pandemia, levando diversas actividades culturais durante dez días de agosto a diversos puntos da contorna de Parga e Guitiriz. "Concibimos a cultura como unha ferramenta contra outras pandemias, como a da desigualdade, por iso cremos que ante o coronavirus tampouco podemos baixar as forzas", sinala Alfonso Blanco
A compañía, unha multinacional do metal que o pasado ano xa optara a facerse coas plantas da Coruña e Avilés, ten 30.000 traballadores en máis de 30 países, pero a súa opacidade financeira xera dúbidas entre algúns analistas. Segundo o comité de empresa, Alcoa só está interesada en vender a planta de aluminio e coas cubas paradas
Comercio e hostalería recuperan o seu horario habitual na Mariña, pero a Xunta mantén o peche do lecer nocturno e as restricións das agrupacións de persoas ata un máximo de 10. As áreas sanitarias admiten a existencia doutros brotes de menor dimensión, como os de Vigo ou Arzúa, mentres a media de casos diarios nos últimos sete días segue a aumentar (agora chega a 30) e a dos últimos tres días xa baixa (agora está en 21)
A Xunta decide non estender o peche de Burela alén da última prórroga de sete días tras detectar dous casos novos ligados ao brote e mentres as persoas de alta seguen aumentando na zona. A área da Coruña, afectada polo brote importado, aumenta en 6 "positivos activos"
Unha fonte oficial de Sanidade asegura a Praza.gal que a orixe na discordancia dos datos está en que o 10 de xullo as altas non eran 27, senón 36, e en que o cómputo total de persoas afectadas polo brote incluía 6 persoas máis das referidas nas notas públicas. Inicialmente, o Goberno galego atribuíra a disparidade a unha mala interpretación da súa información "real e transparente"
O 9 de xullo, o Sergas indicou ao xulgado que A Mariña rexistrara 224 casos de coronavirus mentres informaba publicamente de 165 casos "activos" e 25 altas, o que deixaba o acumulado en 190, trinta e catro menos. este 16 de xullo Sanidade rexistra 28 novos casos en toda Galicia e informa de 9 nun brote en Betanzos
O Sergas indica que rexistrou un único caso novo ligado co brote nas últimas vinte e catro horas na Mariña, onde si se manteñen restricións como as relativas ao lecer nocturno ou ao límite das reunións de 10 persoas non convivintes. A Xunta abre a porta a que o peche de Burela se prolongue ata unha semana e admite que "existe o risco de que haxa un certo nivel de transmisión oculta" na zona porque "existen casos que non poden asociarse ao resto"
O Sergas informa de que na costa lucense hai 186 “casos activos” mentres no global da provincia a cifra pasa na última xornada de 196 a 203, cifra da que se baixara o 5 de maio. Parte dos novos casos sumados ao total da pandemia en Galicia poderían estar xa curados mentres que cando menos 10 detectáronse con seguridade na última xornada, pero os datos que facilita a Xunta, sen serie histórica, impiden concretar máis o que sucede.