O Sindicato Labrego denuncia que centos de animais son sacrificados sen estar enfermos, por mor dos criterios subxectivos empregados pola empresa que realiza os saneamentos, Tragsega, e pola falta de control e "irresponsabilidade" da Xunta. Cándido Iglesias, da Baña, é un dos primeiros en denunciar a situación; matáronlle 31 vacas sas hai catro meses e aínda non cobrou a correspondente indemnización. Audios no interior.
O SGEP toma esta iniciativa para impulsar a creación do Centro Internacional pola Paz, en entredito pola negativa da Xunta de declarar BIC o convento de Santo Antonio de Herbón, en Padrón.
A manifestación do 12 de maio deixou claro que, un ano despois, hai moitas máis razóns para volver á rúa, pero non só se falou de futuribles e desideratas; tamén de feitos, moitas cousas que se teñen conseguido ou que están en proceso de conseguirse, case nunca reflectidas en logros na política e institucións, pero si no asociacionismo e a cooperación cidadá, na información, concienciación e a unión de forzas.
O III Seminario sobre a memoria: A guerrilla e os campos de concentración, terá lugar entre Melide e Rianxo os próximos 1, 2 e 3 de xuño e contará coa participación de Francisco Martínez, Quico, un dos últimos guerrilleiros.
A casa de Rosalía, en Padrón, acolleu o acto, no que interviron Fina Casalderrei e Mariló Candedo, e ao que acudiron ducias de persoas. Entre elas, Agustín Fernández Paz, Xabier Docampo, Antón Costa, Xosé Manuel Beiras, Encarna Otero, Xulia Guntín, Martiño Noriega, Lourenzo Fernández Prieto, Xosé Luís Méndez Ferrín, Manuel Bragado, Francisco Fernández Rei ou Víctor Freixanes.
Falamos con Mariló Candedo e Xosé Lastra, presidenta e vicepresidente da entidade, que recibirán a distinción nun momento no que o ensino público vive un forte ataque. Para eles "é un recoñecemento non á NEG como organización, senón aos centos e milleiros de mestres que neste anos traballaron neste movemento"
A voz calma de Agustín Fernández Paz converteu a Quintana no salón dun fogar de milleiros de persoas que o escoitaron con respecto defender "a lingua de noso". "Imos sempre coa verdade por diante, conscientes da xustiza das nosas ideas e propostas", proclamou, e engadiu que a protección do idioma debe vir tamén acompañada de "alegría", subliñou, para "desmontar na práctica os insidiosos prexuízos que outros sementan na sociedade e nas familias, impulsando actividades que fagan posible vivir en galego". Vídeo no interior
Milleiros de persoas secundan a manifestación de Queremos Galego "contra os ataques" ao idioma e fan rebordar a Praza da Quintana. Galería de imaxes no interior