O Espazo Ecosocialista, que forma parte de Compromiso por Galicia, cre que "a esquerda e o nacionalismo son plurais e non poden convivir no mesmo proxecto, pero si poden chegar a acordos preelectorais ou poselectorais".
As dúas formacións acudirán xuntas ás vindeiras eleccións autonómicas, logo do acordo alcanzado este luns. TEGA goberna Narón e conta con 23 concelleiros no país.
Asegura que reducirá o número de deputados con ou sen consenso, pero tende a man ao PSdeG sempre que se cumpran as súas condicións. Rexeita negociar co BNG porque está "moi radicalizado".
O presidente do Goberno asegura que esperará a que o BCE concrete as súas medidas de axuda para decidir sobre acudir ou non ao fondo de rescate. Recoñece que os axustes aínda non trouxeron efectos positivos, pero asegura que continuará coas reformas.
O conselleiro de Presidencia, Alfonso Rueda, lembra que a aplicación do artigo 155 da Constitución "é unha posibilidade real que está na normativa", aínda que insta as autonomías a que fagan "un esforzo de responsabilidade".
A formación nacionalista pide tamén a diminución nun 25% das subvencións aos grupos e dun 30% o gasto corrente como alternativa á redución de deputados que "dificulta a expresión parlamentaria da pluralidade política existente entre a sociedade galega".
A candidata da coalición á Xunta fai "un chamamento a todas as expresións sociais e políticas galegas e anticapitalistas para a construción dun novo proceso constituínte" de cara aos vindeiros comicios autonómicos.
O Bloque anuncia que non estará no pleno onde se trate a tesoirada ao Parlamento nin participará en conversa ningunha sobre unha reforma que cualifican de "golpe de estado". "É o epílogo indigno do peor presidente da historia de Galicia", asegura.
O Goberno galego dedica máis de 6 millóns de euros ao ano a persoal de confianza, fronte ao pouco máis dun millón que pretende aforrar coa redución de 14 parlamentarios.
Case o 45% dos delitos cualificados pola Fiscalía débense, segundo a memoria do pasado ano, a infraccións de tráfico, das cales o 64% débense á condución baixo os efectos do alcohol. Carlos Varela pide unha solución rápida ao problema das preferentes.
O presidente da Xunta teima na súa defensa da reforma da lei electoral e presume de que a súa proposta de reducir o número de parlamentarios fora apoiada por outros dirixentes autonómicos. A proposta para reducir o Parlamento enviada á oposición mantén os dez deputados fixos por provincia.
Yolanda Díaz, candidata de EU á Xunta, anuncia que a súa formación comezará unha rolda de contactos na segunda quincena de agosto coas forzas da esquerda alleas ao "tripatito harmónico" do Parlamento na procura dunha unión electoral de cara ás vindeiras eleccións. A coalición reunirase en breve coa FPG, Ecogaleguistas e Anova.