As eleccións do 23 de xullo serán as primeiras nas que se apliquen as novas normas para o voto do censo CERA. Un nivel de participación do 25% implicaría a introdución nas urnas de preto de 120 mil votos do exterior. En Galicia 17,6% do censo reside no estranxeiro, unha porcentaxe que en Ourense chega ao 29%
Na campaña das xerais de 2008 o ex-presidente e actual líder do PP debateu con Touriño e Quintana malia formular múltiples obxeccións, dende o decorado ata o moderador, xa que os populares descualificaban a TVG como "brazo mediático" do Goberno de PSdeG e BNG. Nas eleccións galegas de 2009 Feijóo negouse a debater cos líderes socialista e nacionalista e esixiu tres 'cara a cara' por separado que se acabarían celebrando en 2012. En 2016 e 2020 acudiu aos debates 'a cinco' e 'a sete' nos que se presentou como garantía de estabilidade fronte a eventuais coalicións da esquerda
A preferencia de Sánchez polo lucense encádrase no marco de buscar as opcións con maior potencial electoral en cada territorio ante o convencemento do aspirante á reelección de poder lograr unha nova maioría de esquerdas tras o 23X. A candidatura de Besteiro ao Congreso, que implicaría a súa renuncia á delegación, chegaría escasos meses antes das primarias das que pode saír como aspirante socialista á Xunta. Fontes socialistas tamén dan por seguras as candidaturas de José Miñones pola Coruña e David Regades por Pontevedra
As bandeiras azuis tiveron o aval da UE ata 1999, cando as autoridades comunitarias se desligaron delas por seren concedidas sen "suficiente rigor" ambiental. Dende 2010 o pagamento do Goberno galego veu sendo de 40.000 euros anuais, que se elevan este ano ata os 57.500 para a asociación que reparte os distintivos, a cal admite que poden ser prexudiciais para espazos naturais "fráxiles" mentres a Xunta as liga á "sostibilidade"
As dúas formacións comprométense a apoiar na investidura o candidato socialista ou nacionalista máis votado onde haxa maioría de esquerda alternativa ao PP e insisten na vitoria das forzas de progreso nas votacións do pasado 28M.
En cinco destes concellos os alcaldes censurados foron recompensados pola cidadanía e melloraron os seus resultados ou aseguraron a súa investidura: Sada, Santa Comba, A Baña, Ribadavia e Viana do Bolo. En cambio, en Castrelo do Miño as urnas outorgaron ao PP unha ampla maioría absoluta, que consolidou o poder ao que chegaran a través dunha moción con tránsfugas
Unha nova lei agora paralizada pretendía dar máis autonomía aos entes de análise de sinistros, que no ferroviario afronta un preito no Supremo por incumprir a normativa europea e no marítimo vén de desatender á Audiencia Nacional na causa do afundimento en Terra Nova
Alberto Pardellas foi inhabilitado oito anos por levantar un pavillón xunto a un mosteiro protexido e deixou a alcaldía á súa muller, que a perdeu en 2019. Agora foi recuperado polo PP como candidato pero tivo aínda menos votos.
O PP obtivo as súas maiores porcentaxes de voto nas seccións electorais cunha maior idade media e maior renda. En PSdeG e BNG, pero tamén en Democracia Ourensana, a relación foi a contraria, con mellores resultados nas seccións censuais máis novas e con menores recursos.
"Precisamos lograr un grupo galego que sexa determinante e que poida negociar a favor dos intereses de Galiza", avanzou Ana Pontón, quen sinalou que a lista para o 23 de xullo recollerá "voces e apoios de forma ampla na sociedade"
A Xunta Electoral declara nulos catro papeletas riscadas e mantén a incógnita sobre o futuro goberno local. A aceptación de dous dos votos tería dado un concelleiro máis ao PP, que tería encarreirada a alcaldía.