Política

Tras o recurso da empresa que ata agora prestaba o servizo de rastrexo para o Sergas mediante contratos de emerxencia, o Tribunal de Contratos valida a adxudicación porque "os pregos que rexen a licitación non esixen, en canto á oferta técnica se refire, cal debe ser o contido exacto desta"

Con máis do 80% da poboación vacinada e á cabeza do Estado, o presidente di que Galicia é “a comunidade con menos vacinas por habitante”. Pontón advirte a Feijóo de que os médicos volverían a Galicia "con mellores contratos" e Caballero aféalle que a Xunta non sometese o certificado COVID á supervisión xudicial ata que así llo reclamou o Superior, varias semanas despois

Rueda e Conde quedan como únicos membros do Consello da Xunta que, de agora en diante, poderían suceder ao presidente ata o remate da lexislatura. Tamén o podería facer calquera outro dos restantes 39 integrantes do grupo do PP na Cámara. Pouco antes de anunciar este movemento interno, Feijóo apelou a Pontón a "reflexionar máis sobre Galicia e menos sobre a UPG"

Hai catro décadas, un palangreiro de Ribeira liderou en solitario as protestas que acabarían cos vertidos radioactivos na Foxa Atlántica. Falamos co escritor e xornalista Manuel Rivas, un dos membros da tripulación daquela xa emblemática embarcación. 

O goberno local desbota a condonación. Batería e Calvo Sotelo pasarán a pertencer nun 75% ao Concello, nun 20% á Administración autonómica e nun 5% a Autoridade Portuaria, que pagarán a compra ata 2035. 

Seis anos despois de verse empurrado a abandonar a alcaldía de Lugo, Orozco está a piques de librarse da última da decena de imputacións xudiciais ás que se tivo que enfrontar, a maioría emanadas do xulgado que dirixía Pilar de Lara e arquivadas tras anos de espera. "O dano que me fixo é irreparable", "puxo en dúbida a miña honorabilidade", reflexiona o veterano socialista, quen coida que "aqueles que fixeron de xuíces en maio de 2015 no Concello de Lugo sentiranse avergoñados. Algúns xa me pediron desculpas", relata

"Se só hai unha entidade financeira que quere instalar un caixeiro nun concello, igual conclúe que o vai instalar o único solicitante, non debería estrañar a ninguén", conclúe o presidente. En realidade, a subvención da Xunta terá un único beneficiario para toda Galicia e non un por cada municipio onde se vaia ofrecer o servizo 

Gonzalo Caballero reclama en Ribas de Sil un "gran acordo polo rural e contra o lume" que abranga dende a potenciación das especies forestais autóctonas ata "contratos estables" para o persoal de prevención e loita contra os incendios

O Bloque pretende aclarar por que a Xunta non impediu a brusca baixada de nivel dos encoros malia coñecer as intencións das eléctricas e por que reduciu un 90% as posibles sancións ás empresas.

O retorno de DO ao goberno de Baltar a través do deputado Armando Ojea prodúcese escasos días despois da dimisión de Jesús Vázquez, principal dirixente do PP local crítico coa reconstitución do bipartito con Jácome no Concello. Ojea comezara o mandato como vicepresidente do barón popular, que o destituíu alegando "perda de confianza" no marco da ruptura do PP con DO no Concello