A alcaldesa de Santiago, Goretti Sanmartín, confirma que exercerá de "anfitrioa" das autoridades que acudan á ofrenda da Casa Real ao Apóstolo na Catedral, "como é tradición" e con independencia de que non acuda á Eucaristía "atendendo á condición de Estado laico"
Apenas dúas semanas despois de ser elixida como primeira alcaldesa da historia de Santiago, Goretti Sanmartín combina a xestión dos de "asuntos pendentes que temos que resolver nas próximas semanas" co trazado dos primeiros pasos políticos dun mandato no que fixa como primeiras prioridades un "pacto polo turismo consciente" e "unha revolución total na mobilidade" que comece pola ansiada renovación do transporte urbano. A vivenda, a xestión da auga ou a política cultural son sinaladas tamén como claves dun goberno que, di, tamén debe actuar como "catapulta" para o cambio político en Galicia
“Sempre tiven/ un impulso no peito/ para loitar contra/ a merda que nos cae enriba”. Son versos de Poesía da Casa (Inés Mosquera), unha das participantes da final da Poetry Slam Compostela deste curso. Cinco mulleres: Paula Pier, Isa Mordía, Yamini, Alicia Sanz e Poesía da Casa competían nunha final de notable nivel poético e escénico, cun público entregado que ateigaba a sala de eventos do compostelán Riquela. A gañadora, Paula Pier, despediu a Slam cunha canción sobre a decisión de erguerse e deixar de fuxir
Un espectáculo onde o feminismo é unha cuestión trasnversal e que busca romper estereotipos de xénero na nosa sociedade desde a escena. 'Run baby run', escrita por Fátima Delgado e dirixida por Jana Pacheco, é unha coprodución do CDG co Teatro Español e terá a súa estrea en Santiago en outubro
Un centenar de persoas entre colectivos, profesionais, institucións e diferentes administracións pasou polo Foro Identidades e Disidencias Sexuais do Consello da Cultura, coordinado por Carme Adán, para elaborar un documento que radiografía a situación do colectivo lgbti+ en Galicia e sinala os puntos urxentes nos que mellorar, sobre todo dentro das distintas Administracións públicas
Goretti Sanmartín afirma que esta é a estrutura dun goberno "cohesionado e forte e "preparado" para "transformar". Rozas, "satisfeita" co reparto de área, di que o gabinete se dispón a "afrontar con rapidez e valentía" os retos da cidade
A nacionalista, que liderará un goberno de coalición con Compostela Aberta, recibiu tamén o apoio do PSdeG e sumou 14 dos 25 votos da corporación municipal
Oihane Amantegi debuta na literatura cunha novela breve que ten moito de fábula, pero fala de circunstancias tan terreais como a perda, a ausencia e a morte. Conto ao carón do río está escrito orixinalmente en éuscaro e foi traducido ao galego por Isaac Xubín para a editora Rodolfo e Priscila. A escritora conversará coa editora Berta Dávila o domingo 11 na SELIC de Santiago ás 18 horas.
Santiago acolle este sábado a quinta edición do evento, con charlas, debates, presentacións, un mercado, música e un combate de debuxantes
Rosón (PSdeG) mantén que os socialistas apoiarán que Goretti Sanmartín sexa alcaldesa porque "a cidadanía non entendería outra cousa" e evoca anteriores acordos entre ambas formacións para abrir a porta a pactar unha eventual entrada no goberno despois da investidura. A candidata do BNG, que este venres se xunta con Compostela Aberta, reitera que procurará un acordo "estable"
O festival da lectura de Santiago celébrase do 9 ao 18 de xuño na praza da Quintana co propósito de "levar o protagonismo do papel ao directo", a presentación da SELIC Criminal e a participación de escritores como Cristina Morales, Diego Ameixeiras ou Bernardo Zannoni
Sanmartín pide "ter un goberno forte e sólido que comece a traballar" inmediatamente despois da súa investidura como alcaldesa o 17 de xuño. O candidato popular, Borja Verea, insiste en pedir aos socialistas que faciliten coa súa abstención o seu goberno en solitario por ser o PP a forza máis votada