Santiago

Maika Makovski, a Orquestra Bravú Xangai ou Sés estarán tamén nas festas compostelás, cuxo cartel homenaxea o deseñado por Castelao para a mesma celebración en 1912

O avogado dos netos do ditador comunica a "vontade expresa de cumprir a condena" e indica ao Concello que as pezas do Mestre Mateo están á súa "disposición inmediata" no Pazo de Meirás, onde as deixaron cando o Estado os botou

Pupa, de Antía Carreira, fíxose co Premio Supernova e o Premio Planeta GZ foi para Furada negra, de Berio Molina. A gala de entrega dos galardóns puxo fin a seis días de cinema, música, encontros e sesións especiais que se caracterizaron por levar aos espazos públicos da cidade de Compostela as proxeccións e outras actividades do evento.

Unha comedia metanarrativa e sensorial. Así define Lois Patiño o seu último filme, 'Ariel', que vén de estrear en Galicia no festival Curtocircuíto de Compostela. A película explora a obra 'A Tempestade', de William Shakespeare, e inclúe unha homenaxe á compañía Voadora

"Cada conto, cando é verdadeiro, arrecende como unha flor, abrindo camiños no ar para aqueles que prenden o sono con medo", asegura Soledad Felloza, directora do Festival Atlántica, en marcha ata o 6 de xullo con 51 artistas que falan galego, portugués e castelán e 27 sedes distintas

A líder do BNG reivindica "un novo status político para Galiza, que a recoñeza como nación con plenos dereitos e con capacidade real para decidir" e apela ao espírito de "unidade e compromiso" da campaña do Estatuto de 1936

75 anos despois do seu pasamento, podemos mirar –literalmente– a través das lentes de Castelao. Neste denominado Ano Castelao os avances tecnolóxicos aplicados á arte do audiovisual permítennos achegarnos a Alfonso Daniel Rodríguez Castelao dunha maneira insólita e, á vez, máis empática ca nunca. A exposición Castelao. Mirar por Galicia cumpre un desexo que a realidade impediu: que as xeracións posteriores escoitemos o de Rianxo falar en galego

O novo edificio de viaxeiros da terminal ferroviaria compostelá entra en servizo mentres a coordinación de horarios de tren e bus segue pendente. A alcaldesa reivindica o remate da infraestrutura co novo aparcadoiro, de 900 prazas, e nunha "xornada histórica" aposta por "completala" co "impulso ao servizo de tren de proximidade"

O alto tribunal sentencia que a Audiencia de Madrid incorreu nun "erro patente na valoración da proba" ao concluír que o concello compostelán non identificou "adecuadamente" as pezas que reclamaba. As esculturas en poder dos Franco son as mesmas, "sen posibilidade de dúbida". As esculturas foron mercadas polo consistorio en 1948, o ditador e a súa esposa quedaron con elas nos anos 50 e o goberno local litiga para recuperalas dende 2017

A Asociación de Escritoras e Escritores en Lingua Galega dedicou ao político e economista, pero tamén ensaísta e tradutor, o seu acto anual dedicado ao escritor na súa Terra. En Compostela, Beiras plantou un teixo e descubriu un monolito na súa honra no Parque de Galeras. Posteriormente Miguel Anxo Fernán-Vello ofreceu unha laudatio dedicada ao autor.

Na exposición 'No espazo e na voz lemos o tempo' cinco artistas amosan os traballos realizados no taller sobre o barrio dirixido por Claudio Zulian entre 2022 e 2023. Con obras videográficas, fotografías e debuxos a carbón e acuarelas sobre papel, Noemí Moisés Méndez-Benegassi Gamallo, Irina Malyuchenko, Candela Conde, Ramón Yoshimura e Silvia G. Armesto achegáronse á contorna na que se insire o museo.

Cos extremos da obra de 10 quilómetros xa case rematados o Goberno galego deixa "en suspenso" un quilómetro intermedio desviando o itinerario por rúas xa urbanizadas de Conxo nas que antes vía problemas de integración para as bicis