O Bloque di que actúa de "muro de contención" contra as "lesivas" políticas dun Goberno do PP que, en palabras de Ana Pontón, representa a Atila do álbum Atila en Galiza de Castelao. A portavoz nacional critica no Consello Nacional da formación que o PP "máis ultra, antidemocrático e antigalego da historia" está levando o país "contra as rochas"
O consumo de cocaína en Compostela segue sendo elevado, con 610 miligramos por cada mil habitantes e día, pouco menos que o pico de 2023 e catro veces máis que hai unha década, segundo os datos do último estudo da UE sobre o consumo de drogas ilegais. No caso do cánnabis, o dato é o máis reducido dende que se realizan estas análises
'Fábrica de fume' é unha obra de teatro comuntario, dirixida por Ana Fontenla e Celina Fernández Ponte, que se representa os vindeiros domingos no Salón Teatro de Santiago, unha coprodución co CDG e a FEGATEA
A editorial Hugin e Munin nace do profundo amor pola lectura do seu fundador, o tradutor e editor Alejandro Tobar, que quixo crearse unha alternativa laboral en Galicia para regresar da emigración e, á vez, aportar valor engadido á cultura propia. Xunto á tradutora e crítica literaria Isabel Soto forma equipo desde Compostela cun catálogo que xa supera os 130 libros traducidos ao galego desde 2011.
Verónica Estay Stange participou nas xornadas 'Memoria Democrática, Feminista, Laboral' que acompañan a exposición de Mar Caldas 'Mulleres, traballo e memoria' no CGAC, en Santiago. Filla de sobreviventes da ditadura de Chile e sobriña dun criminal colaborador da ditadura, a docente na Universidade de París Cité centrou a súa conferencia na posmemoria e a súa presenza na cultura visual
As representacións sindicais da CRTVG, RTPA, EITB, TV3, Canal Sur, Telemadrid, IB3, Canal Estremadura e Castela a Mancha Media crean a alianza 'RTVs Públicas en Loita', desde onde poderán convocar mobilizacións conxuntas
Eros, o documental de de Rachel Daisy Ellis sobre os "moteis do amor" en Brasil, fíxose co Premio AGANTRO á excelencia antropolóxica na Mostra Internacional de Cinema Etnográfico do Museo do Pobo Galego. O Premio MICE ao Mellor filme galego foi para Corre o vento, unha peza de Paula Fuentes e Guillermo Cabrera que nos conduce até Vilar do Courel, unha pequena aldea que leva décadas resistíndose á desaparición.
"A semana pasada houbo o enterro da sardiña e hoxe enterramos a CRTVG". Traballadoras e traballadores dos medios de comunicación públicos galegos volveron á folga este 11 de marzo mentres o pleno do Parlamento aprobou, coa maioría absoluta do Partido Popular, a Lei de servizos dos medios públicos de comunicación audiovisual de Galicia para a sociedade dixital
O Concello compostelán publica a lista de pisos turísticos que teñen autorización municipal: son só 64 mentres o rexistro turístico da Xunta inclúe 750 na cidade. Ningún dos pisos con licenza están na cidade histórica, onde están prohibidos sen excepción, pero o rexistro galego segue incluíndo varios tamén nesa contorna mentres o goberno local reitera a esixencia de retirada de todos os irregulares
Besteiro revalida o seu liderado no PSdeG: "No noso ADN non está ser oposición porque nós somos a alternativa, somos útiles en Galicia porque sabemos gobernar". Lara Méndez convértese na secretaria de organización do PSdeG e Carmela Silva mantén a presidencia tras renovar a executiva dos socialistas galegos
Se o ADN é o noso libro de instrucións, co estudo do código xenético do 15% da poboación galega no Proxecto Xenoma Galicia preténdese obter información moi valiosa para o tratamento personalizado de enfermidades e a súa prevención
No soto do CGAC agarda polo público un percorrido polas feridas dos últimos oitenta anos, algunhas cicatrizadas e outras que volven sangrar ao seren lembradas. Mulleres, traballo e memoria é a exposición na que a artista viguesa Mar Caldas reúne obras recentes que marcan o carácter feminista da súa ollada do colectivo ao privado