Santiago

O Premio Trevo de narrativa quere manter viva a memoria de María Duro Mansilla, compostelá especialista na xestión de políticas migratorias e da protección de datos persoais, que traballou para diferentes organismos da Unión Europea ata o seu falecemento en 2022. "Ela era unha lectora moi esixente. Cando faleceu tiven a idea de tentar organizar algo que premiase a literatura de calidade en galego", conta a súa parella, Daniel Ugarte

O Tribunal Superior rexeita a suspensión cautelar da entrada en vigor do novo tributo, que o Concello compostelán aplica dende este 1 de outubro. "Non se evidencia que sexa de superior rango o interese" da patronal hoteleira que o "interese público inherente aos investimentos e gastos" que serán financiados co recadado, argumenta o auto. A taxa turística coruñesa, en vigor dende o 29 de setembro, tamén afronta recursos do sector

O reitor Antonio López lembrou que o intelectual foi o primeiro estudante en intervir na cerimonia de inauguración do curso universitario en 1930, na que reivindicou “a galeguización da Universidade compostelá”. A Cátedra estará centrada na súa figura e obra e tamén na promoción e o estudo da literatura galega contemporánea

O 8 de setembro de 1975 comezaron os traballos de derruba do edificio Castromil. Celébrase o 50 aniversario dun feito que marcou a unha xeración de composteláns, que significou un fito pioneiro nas loitas en defensa do patrimonio e que deixou unha ferida aberta no centro da capital de Galicia

Os produtores musicais Juait e crnds presentan un 'sample pack' en colaboración co músico Xabier Díaz centrado na pandeireta galega. Que é iso? Pois un paquete de mostras cunha selección dos patróns rítmicos máis representativos da música tradicional galega, interpretados por Díaz coa súa pandeireta e gravados con mimo por Juait e crnds, que tamén o edita dende o seu selo discográfico Lindisfarne

"Divulgar é o último paso da miña aprendizaxe", salienta María Lapido. Ilustradora e fotógrafa que está a abrir o debate en Instagram sobre cuestión ligadas ás normas do sistema patriarcal e como afrontalas dende o feminismo na práctica

Dende 1991 o número de tendas de proximidade pasou de 645 a 202, ao tempo que se incorporaron 207 locais que ofrecen servizos produtos destinados principalmente ao turismo. O Goberno municipais aprobou unha serie de accións que buscan blindar as tendas locais para dar servizo ás máis de dez mil persoas que residen na zona vella, un 22% máis que hai unha década. O obxectivo é acadar un equilibro entre os usos dirixidos aos visitiantes e os ofrecidos á poboación local, de cara a manter a vitalidade destes barrios.

Iván Arias, director artístico do festival WOS e un dos fundadores da produtora compostelá WORK ON SUNDAY, repasa os fitos da oitava edición deste festival referente no ámbito da música electrónica e de vangarda a nivel estatal que regresa á capital galega tras un ano de descanso forzado. 

A Consellería de Vivenda dá por "desistida" a solicitude da administración local por "non dar resposta válida" á petición do IGVS para completar e emendar a documentación. Advirte que as medidas correctoras incluídas non supoñían unha "incidencia real, tiñan mínima concreción ou xa estaban en execución e carecían de calendario claro"

O Goberno galego atribúe ao municipal a súa decisión de "deixar en suspenso" a infraestrutura ao paso polo bosque do Banquete de Conxo, obra desautorizada pola directora xeral de Patrimonio minutos antes de dimitir

O Concello homenaxea a Charo Rúa, Suso do Dezaseis, Aurora da Freira e Chago Martínez nunha gala que reivindica a Castelao e o "acto de xustiza" que supón "devolver o roubado", en referencia á recuperación das estatuas do Mestre Mateo.

Irene Escolar di que nunca esquecerá a estrea do filme Ariel na compostelá praza da Quintana, no marco da programación do festival Curtocircuíto. A actriz ten un vínculo especial con Galicia e celebra todas as oportunidades que a traen de volta, nesta ocasión foi da man do cineasta vigués Lois Patiño, que contou con ela para coprotagonizar o seu último filme