Contra a violencia machista

"Se fosen futbolistas en vez de mulleres, non solicitarían un comité de crise?", pregúntase a líder do BNG tras dous asasinatos machistas en apenas quince días. "Esa frase vaina perseguir, iso non é frivolizar? É poñerse en ridículo", retruca o presidente. O titular da Xunta censura que o Bloque "siga apoiando" no Estado un "Goberno que trafica con mulleres" e Pontón afea que o popular estivese "encubrindo un conselleiro e amigo cunha denuncia por agresión sexual"

En Galicia as denuncias por violencia machista incrementáronse un 9,5% nos primeiros tres meses do ano, sendo nos que estatisticamente se producen menos denuncias. Na provincia da Coruña o Poder Xudicial contabiliza 758 vítimas da violencia de xénero entre xaneiro e marzo, 571 en Pontevedra, 205 en Lugo e 153 en Ourense

O BNG propón crear un comité de crise para "avaliar cada un dos casos de violencia machista máis recentes e revisar se algo fallou". O presidente da Xunta responde: "Seguiremos traballando con independencia de que haxa ou non que facer un comité de crise"

O agresor asestou varias puñaladas á falecida pouco despois das 6.30 horas da mañá. A Policía acudiu pouco despois e detivo de inmediato o home no propio inmoble. Activouse o protocolo VioGén por un posible caso de violencia de xénero, pois segundo varias fontes asasino e asasinada eran ou foran parella, un dato aínda non confirmado polas autoridades. Trataríase así do terceiro asasinato por violencia de xénero en Galicia este ano.

Aínda que as circunstancias concretas que levaron á morte da parella nun vehículo queimado aínda deben ser esclarecidas, el contaba con varias condenas por violencia machista contra ela e unha sucesión de episodios de malos tratos que motivaran a concesión dunha orde de protección. O BNG de Moraña cualifica a "equiparación" na declaración do Concello como "indignante e profundamente inapropiada".

A Marcha Mundial das Mulleres publica un posicionamento ante os recentes feminicidios frustrados en Tomiño e Valdeorras, a denuncia dunha violación grupal de Vigo e a posibilidade de que un dos cadáveres calcinados en Campo Lameiro sexa o dunha veciña que sufría malos tratos. A entidade denuncia "pasividade institucional" e advirte da "normalización da violencia contra as mulleres".

O 31 de decembro de 2024 entraron en funcionamento os centros de crise 24 horas para vítimas das violencias sexuais, creados ao abeiro da lei do só si é si. Cinco meses despois, a Xunta responde a Praza.gal que "agora" non se "considera oportuno" informar sobre estes centros. En 2024 denunciáronse 14 violacións diarias no Estado. A Macroenquisa de Violencia contra a Muller de 2019 recollía que só se denuncia o 11% de toda a violencia sexual

Entre as vítimas mortais rexistradas o pasado ano o 83,3% tiña polo menos un fillo ou filla. Segundo o balance do Poder Xudicial, unha muller foi asasinada cada semana de 2024 en contextos de violencia de xénero 

O xulgado de instrución número 1 de Trives decreta prisión provisional comunicada e sen fianza para o presunto autor do crime machista deste domingo no Bolo, o primeiro feminicidio en Galicia no que vai de ano