Un novo proxecto de educación en igualdade do IES de Arzúa aposta por facer visibles algunhas mulleres que destacan ou destacaron en diferentes ámbitos e momentos hitóricos" sen "obteren o mesmo recoñecemento ou teren as mesmas posibilidades que os seus equivalentes varóns"
A Deputación da Coruña, o Concello de Santiago ou o Concello de Pontevedra levan anos traballando a violencia machista nos centros de ensino a través de programas específicos. Falamos con María Muíño, deputada de Igualdade da Deputación da Coruña.
España ratificou o Convenio de Istambul en 2014 e aprobou o Pacto de Estado contra a violencia de xénero en 2017. Porén, moitas das súas disposicións seguen sen aplicarse na lei e na atención ás vítimas. Tanto no ámbito xudicial, coma no policial, no educativo ou na prevención
Institucións impulsoras da campaña xúntanse en Lugo no acto simbólico de adhesión á iniciativa. A quinta edición da iniciativa pon o foco na educación, por factores como "o aumento da vulnerabilidade fronte á violencia de xénero das mulleres en idades cada vez máis temperás"
As curtametraxes '16 de decembro' (Álvaro Gago) e 'Suc de síndria' (Irene Moray), que tratan distintos aspectos da violencia contra a muller, poderán verse o 25 de novembro e nos días previos
O presidente di non admitir “leccións de como protexer as nosas fillas, as nosas mulleres e as nosas nais da violencia machista” e Pontón retrúcalle que “as mulleres deste país non teñen dono e falan por si mesmas”
A asociación empresarial do Tambre acolleu a presentación das "vacinas contra as violencias machistas", un dos novos materiais da iniciativa. O Concello de Lugo organiza o día 22 o acto oficial de adhesión de municipios e deputacións á campaña, da que un ano máis se desmarca a Xunta
Neste momento están activos en Galicia 3.532 casos e en máis da metade (2.078) a Policía detectou algún tipo de "risco", polo que procede a realizar algunha modalidade de vixilancia da actividade do agresor. No 2018 aumentaron un 17% as agresións sexuais, abusos e demais delitos contra a liberdade sexual.
O único axente da Policía Local encargado do sistema VioGén integrarase agora no dispositivo da Policía Nacional que presta este servizo, di Jácome, que admite que a solución foi "idea" da xefa da Policía Local. A Marcha Mundial das Mulleres, que mantén a mobilización prevista para o venres, cre que o sucedido é a mellor mostra do "desleixo" das "deficiencias nos servizos do Concello destinados ás mulleres"
Horas despois de anunciar a retirada de Ourense do sistema VioGén, Jácome culpou a xefa da Policía Local da decisión que el mesmo anunciara e abriu a porta a recuar. A Marcha Mundial das Mulleres e a oposición local observan na decisión unha continuación do "desmantelamento" da área de Igualdade que, acusan, comezou no anterior mandato, co goberno do PP en minoría
Jácome justifica a decisión do bipartito ourensán por falta de "recursos suficientes para atender este servizo con dignidade". A decisión, que prevé facer efectiva o vindeiro marzo, deixará Ourense como única cidade galega allea a este sistema de protección e seguimento das vítimas da violencia de xénero
