Coronavirus

A Xunta asegurou nas últimas semanas estar en condicións de habilitar ata 400 postos de UCI, polo que podería superar o limiar esixido polo Ministerio. Mentres, Galicia disporía na actualidade dunhas 33 camas en funcionamento por cada 10.000 habitantes, cando o estipulado para erguer as restricións pola covid-19 é un mínimo de 37. A Consellería de Sanidade asegura, non obstante, estar en condicións de cumprir os requisitos se cómpre.

O descenso das emisións en Vigo foi do 64% e na Coruña do 59%, segundo un estudo de Ecoloxistas en Acción, e os datos son moi semellantes en Compostela e noutras urbes do país. A redución do uso do coche durante estas semanas tivo efectos inmediatos, que a entidade aposta por estender no tempo.

PSdeG, Galicia en Común e BNG critican que o presidente xa lles dese tres plantóns outros tantos domingos e non comparecese no Parlamento en abril como prometeu

Galicia está por riba da media estatal en incremento de casos novos e incidencia acumulada nas últimas dúas semanas; o Sergas contabiliza unha diminución de 131 positivos activos e 6 falecementos máis ata chegar a un total de 569 

Tras case dous meses de información regular sobre positivos activos, altas e falecementos, a Xunta introduciu bruscas modificacións na estatística do coronavirus ata facer imposible comparar os datos previos ao día 28 con todos os posteriores. Feijóo ratifica, non obstante, que o Goberno galego non prevé divulgar os datos completos

O uso da máscara pasa a ser obrigatorio en todo o transporte público e o Estado prevé a distribución de 835.500 entre este luns e martes en Galicia. Limitación de aforamentos, maiores distancias de seguridade e encargas por teléfono ou internet marcarán a reapertura de negocios que permanecen pechados por mor do estado de alarma dende mediados de marzo

Feijóo volveu cargar con dureza contra "a forma e o fondo" do plan de desconfinamento, pero poñendo o foco na súa reclamación de que finalice o estado de alarma, que di cuestionar por restrinxir os "dereitos fundamentais" mentres reclama unha "fórmula" para a convocatoria das eleccións, condicionada por decreto ao seu levantamento

O manifesto do Colexio Profesional de Xornalistas de Galicia, asinado por María Piñeiro, constata que, xunto a un histórico incremento da demanda de información, a crise do coronavirus trae consigo a enésima vaga de precariedade laboral e restricións informativas

O Ministerio reflicte 65 novos casos detectados en Galicia mentres o acumulado de positivos reportados polo Sergas aumenta en 52 e as "curacións" soben máis do que diminúen os positivos activos. Un dos seis novos falecementos foi dunha persoa que vivira nunha residencia de maiores; do total de 563, 253 eran residentes nestes centros

Incivismo ou pouco espazo? Obviar as normas ou bater polas bravas coa realidade de que partes das nosas cidades seguen concibidas para os coches? Concellos urbanos galegos combinan a ampliación provisional de zonas peonís para os primeiros paseos tras o confinamento coa posta en valor do traballo feito na ampliación de espazos públicos para camiñar. Repasamos algunhas das medidas en marcha e outras que están por vir

Falamos con galegos no Brasil, Suíza, Reino Unido, Estados Unidos ou Portugal para afondar nas medidas contra a expansión da covid-19 e a resposta social e política doutros países.