O Sergas suma 408 novos casos da COVID e a media diaria de diagnósticos xa volve superar os 300. A incidencia a 14 días acumula xa case unha semana de incremento e, entre as principais cidades, Santiago segue a trazar a liña máis claramente ascendente. A hospitalización volve aumentar e segue na contorna das 350 persoas ingresadas con test positivo.
A Axencia Europea do Medicamento reunirase este luns 21 de diciembre para, previsiblemente, aprobar a vacina de Pfizer. Unha semana despois comezaría a súa administración, que en Galicia chegará a 40.000 persoas na súa primeira fase, na que se protexerá os usuarios de residencias de maiores, o seu persoal e a persoal sanitario.
Galicia encadea dúas xornadas con máis de 400 novos casos do coronavirus por primeira vez dende finais de novembro. Entre as cidades, Santiago é segue amosando peor evolución e a única na que a incidencia do virus traza unha liña claramente ascendente
O Sergas suma 424 casos e a media diaria de diagnósticos prolonga o seu estancamento na contorna dos 300. Entre as sete principais cidades, Santiago é a que mantén unha incidencia á alza máis clara e Lugo, a única que polo momento segue en liña descendente. As mortes de persoas infectadas chegan ás 1.323 tras sumar o Sergas outras seis.
A Xunta confirma o peche perimetral de Galicia do 23 de decembro ao 6 de xaneiro, pero coa excepción das visitas a familiares. Recomenda tamén a "estudantes que se movan dentro de Galicia" a inscrición no rexistro de viaxe para facerlles probas da COVID
O estudo de seroprevalencia do Ministerio de Sanidade estima que unhas 121.000 persoas foron contaxiadas en Galicia, onde o impacto da COVID é dos menores no conxunto do Estado, só por riba das Illas Canarias.
Santiago pasa ao nivel medio de restricións, que tamén aumentan en Ribeira, Bueu, e Baiona (que pasan ao nivel máximo) e en Santa Comba, Mazaricos, Negreira, Carnota, Rodeiro, A Illa e Fisterra (que pasan ao nivel alto). Pola contra, as medidas suavízanse en Barro, Coristanco, Cee, Laxe, Carballo e Ponteceso, que deixan de ter limitacións de mobilidade
As dúas cidades nas que a Xunta ergueu máis restricións antes da ponte, Santiago e Ourense, son as primeiras nas que a incidencia acumulada a 14 días regresa con claridade á liña ascendente. Sanidade suma 275 novos casos e a media diaria de diagnósticos a sete días segue roldando os 300 mentres o total de persoas hospitalizadas con test positivo da COVID volve aumentar e xa son máis que hai unha semana
Dado que nos espectáculos teatrais, de danza ou circo non sempre é posible manter a distancia de seguridade o usar máscaras de protección, introdúcese a previsión de que se fagan cribados, uns tests cuxo custo debe ser asumido polas empresas e non polos traballadores e traballadoras
No inicio da nova 'desescalada', Galicia dispúñase a baixar da media de 300 novos positivos ao día e agora volve estar a piques de superar ese limiar. A realización de cribados masivos incrementa notablemente o número de probas PCR procesadas polo Sergas e contribúe a manter baixas as taxas de positividade
Dende o pasado 5 de decembro Santiago pasou dunha incidencia acumulada de 75 casos a case 110 e Ourense medrou de 94 a 124. O resto das cidades galegas mantén unha tendencia de descenso, aínda que freada nos últimos días.
A porcentaxe de probas positivas mantense por debaixo do 5%, pero o descenso da incidencia da enfermidade e da ocupación das UCI prodúcese de forma moi lenta. As Pontes e Boiro son as vilas cunha situación máis preocupante. Ourense e Compostela incrementaron as súas cifras de novas infeccións dende o relaxamento das restricións