#DefendeAGalega

Os populares eloxian a súa aspirante como "impecable" e con "excelente praxe profesional" e aseguran que son nacionalistas e socialistas quen "tratan de interferir no traballo dos xornalistas". Rodil (BNG) pide a Concha Pombo que "free a deriva" da que participou como directiva "dunha das etapas máis nefastas para o pluralismo" nos medios públicos. "Había tres candidatos: Feijóo, Rueda e vostede e elixiron á máis radical", ironiza Longueira (PSdeG)

O currículo entregado por Concepción Pombo ao Parlamento reflicte que foi responsable de comunicación da Consellería de Emigración entre 2002 e 2004 e salienta a súa "transformación" dos servizos informativos desde 2017

A elección de Concepción Pombo por parte dos populares para ser a nova directora xeral dos medios públicos causa sorpresa e indignación no comité, parte do persoal ou o colectivo Defende A Galega, que advirten de "continuísmo e conformismo" e dunha figura que definen como "a máxima responsable da manipulación na etapa de maior control político". 

Os populares propoñen á responsable da área da que dependen os servizos informativos como substituta para Sánchez Izquierdo á fronte da agora denominada CSAG, antiga CRTVG. A nova lei garante que coa súa maioría absoluta será dabondo para nomeárena 

A Corporación indica nun comunicado a decisión dun xulgado de Santiago tras a investigación aberta pola querela dunha traballadora. 

En resposta a un recurso do BNG, a Xunta Electoral de Galicia ordenou aos medios públicos dedicar ao 18F, cando menos, tanto tempo como ás anteriores eleccións. A CRTVG recorreu á Xunta Electoral Central, que non lle deu a razón, e agora sucede o mesmo no alto tribunal. A xuízo do TS a corporación pública "non fixo unha axeitada integración do principio de garantía do pluralismo político e social en tempo electoral en canto ao seu fomento".

A sete días de que entre en vigor a nova lei de medios, o Comité intercentros advirte dun "novo chanzo na escalada privatizadora que acabará por poñer en mans de terceiras empresas toda a emisión da CRTVG, cuxa produción propia interna está en niveis mínimos nunca vistos desde a creación dos medios públicos galegos"

As representacións sindicais da CRTVG, RTPA, EITB, TV3, Canal Sur, Telemadrid, IB3, Canal Estremadura e Castela a Mancha Media crean a alianza 'RTVs Públicas en Loita', desde onde poderán convocar mobilizacións conxuntas

A nova lei dos medios públicos entra en vigor contra mediados de abril. De aí en diante actívase o prazo de tres meses para adaptar os seus estatutos, a comezar polo cambio de nome. Contra o verán ou, a máis tardar, no inicio do outono, os populares pode estar en condicións de nomear a quen desexen para dirixir os medios públicos ao abeiro dunha lei que para o Colexio de Xornalistas "reduce a liberdade de prensa e desvaloriza o traballo xornalístico"

"A semana pasada houbo o enterro da sardiña e hoxe enterramos a CRTVG". Traballadoras e traballadores dos medios de comunicación públicos galegos volveron á folga este 11 de marzo mentres o pleno do Parlamento aprobou, coa maioría absoluta do Partido Popular, a Lei de servizos dos medios públicos de comunicación audiovisual de Galicia para a sociedade dixital

Este 11 de marzo quedará definitivamente desactivada sen chegar a aplicarse nunca a norma que facía imposible nomear o posto de maior responsabilidade nos medios públicos só cos votos do PP. A nova lei tamén pon 'a cero' o contador de mandatos dos membros do consello de administración, polo que todos os actuais poderán encadear outros dous de cinco anos con independencia do tempo que leven exercendo ata agora