A lei que impulsa a Xunta permitirá ao PP remudar o director xeral da CRTVG só cos seus votos ao rebaixar a maioría reforzada esixida pola normativa de 2011, que nunca chegou a aplicarse. O BNG promove elixir todo o consello de administración por concurso público e o PSdeG reclama, como mínimo, manter a maioría reforzada
Tras trinta e dúas xornadas de mobilización con paros en diferentes formatos, este 13 de decembro o persoal mobilizado na CRTVG culminou a súa folga. Fíxoo cun paro de vinte e catro horas que volveu lograr frear a programación da Televisión de Galicia e da Radio Galega. Tras o paro deste venres, a folga "entra en suspensión á espera de que transcendan os plans da dirección sobre a programación e a produción propia para a volta de xaneiro"
A Xunta envía ao Parlamento o texto definitivo da nova lei dos medios públicos aceptando algunhas mudanzas pero mantendo intacta a disposición que permite substituír a Sánchez Izquierdo sen maioría reforzada, apoiándose só na absoluta dos populares. Rueda xustifica que pretende evitar "situacións de interinidade indefinida" na dirección xeral mentres o actual director leva con mandato por tempo indefinido dende 2016 grazas a outra reforma dos populares
A manifestación convocada polo persoal en folga percorreu as rúas de Santiago en defensa da independencia da televisión e da radio públicas e da "produción propia", fronte á externalización de espazos informativos. Con todo, destacouse que "esta folga non é polo Termómetro", senón "por todo o que os medios públicos deixaron de ser e malia todo debían ser"
Altos cargos da Comisión Europea comprométense a estar "vixiantes" co anteproxecto de lei de medios presentado pola Xunta, que para o persoal en folga da CRTVG compromete a independencia e a pluralidade da TVG e da Radio Galega
"Esta decisión xudicial evidencia a existencia das prácticas ilícitas para reprimir ás folguistas", salienta o comité de folga da CRTVG despois de que a xustiza obrigue o ente público a repoñer un traballador na súa quenda de traballo e no posto como produtor do Termómetro, o programa da TVG que vén sendo afectado polos paros
Dúas traballadoras da CRTVG en folga recibiron este luns a notificación da apertura dun expediente disciplinario "por falta moi grave" a causa dun presunto "incidente" que tivo lugar o pasado venres coincidindo co comezo dos paros que veñen impedindo a emisión do programa O Termómetro na TVG
Traballadoras e traballadores en folga na Corporación de Radio e Televisión de Galicia convocan a toda a cidadanía galega a participar nunha gran manifestación en defensa dos medios públicos o domingo 1 de decembro
A 16ª xornada de paros volveu paralizar a emisión de O Termómetro, o programa externalizado que substitúe ao formato de produción propia A Revista e que, denuncian, ten un custo un 154% superior. Acusan á dirección da CRTVG de negarse a negociar e de desbotar mesmo a mediación do Consello Galego de Relacións Laborais
Os secretarios e secretaria xeral da CUT, CIG, UGT e CCOO asinan un contundente comunicado conxunto dirixido ao director xeral dos medios públicos tras a súa negativa a tratar con eles as reivindicacións do persoal en folga. Sánchez Izquierdo, din os sindicatos, respondeulles que a folga só pretende "crear un impacto negativo na rendibilidade da empresa, sen traducirse nunha mellora concreta para o persoal"
O persoal mobilizado nos medios públicos galegos opta por converter a mobilización en diaria de luns a venres dende o 1 de decembro ante a "negativa a dialogar" por parte do director xeral, que ven "irresponsable" e "neglixente". A norma que permite rebaixar o limiar da elección do Consello de RTVE ao mesmo nivel que porá a Xunta na CRTVG sae adiante con 175 votos a prol e un en contra, o do BNG, que defendeu a "coherencia" de "defender o mesmo en Madrid que en Galiza" fronte á "hipocrísía" do PP
A folga indefinida na CRTVG avanza e volve cortar a emisión en directo da Televisión de Galicia. O comité de folga salienta que a dirección do ente público "non amosa vontade ningunha" de atender as súas reclamacións, mentres a plataforma Por una CRTVG ao Servizo do Pobo comeza a recollida de sinaturas