Incendios

As primeiras pescudas apuntan a raios coma orixe duns incendios nos que xa arderon máis de 350 hectáreas.

A eurodeputada do BNG inaugura na sede da Eurocámara en Bruxelas unha mostra con algunhas das imaxes máis destacadas do galardoado fotoxornalista ourensán sobre a loita contra os incendios en Galicia. Miranda e representantes do BNG en Ourense manteñen encontros con responsables da Comisión Europea sobre a loita contra o lume en Galicia, política forestal e seguimento dos datos de hectáreas queimadas

Unha roza dunha empresa que traballaba para Xunta e Concello en día de risco extremo de lume, prohibida por unha orde que nunca chegou onde debía, acabou provocando o segundo maior incendio documentado en Galicia. Medio Rural argumenta que "non resulta viable" autorizar cada uso de maquinaria no monte nesas situacións e dá en cumprir s obriga legal cun permiso xeral condicionado, para labores entre mediodía e as 6 da tarde, a prevencións adicionais como ter 400 litros auga para un posible lume

No que vai de 2026 os incendios comunicados pola Xunta suman unhas 1.700 hectáreas nunha ducia de focos, pero é imposible afirmar que fosen os únicos por mor das restricións informativas que o ano pasado implicaron ocultar uns 1.300 incendios mentres se producían. Ao tempo, Medio Rural presenta avances na xestión de datos sobre o lume que contrastan coa información pública incompleta, pechada e escasamente sistemática

A portavoz do BNG pide unha "moratoria indefinida" do eucalipto e máis axudas ás granxas para "un rural vivo" mentres o presidente insiste en que a prevención "é tarefa de todos"

O devastador lume do pasado agosto foi provocado polas rozas dunha empresa contratada por Xunta e Concello, labores que non se suspenderon malia o risco extremo e as ordes de paralización que acabaron perdéndose polo camiño. A alcaldesa, chamada a declarar, recoñece que había instrucións de realizar eses traballos aquel día e que non era consciente de que non se puidesen realizar. 

Os datos completos dos fogos do pasado ano, logrados e liberados por Praza, acreditan que un terzo dos rexistrados en agosto iniciáronse tras caer o sol. Expertos advirten de que o pasado verán, "por primeira vez", focos secundarios prenderon de noite malia teren condicións menos propicias. Brigadistas aseguran que, durante esas horas, "todos son intencionados": "Pero hai que diferenciar cal é a intención".

O 5 de agosto foi o día no que comezaron máis lumes, 37, pero o Goberno galego só informou de 4

En 19 dos 26 núcleos de alta actividade incendiaria, onde aumenta o control e se aplican "medidas extraordinarias" de prevención e protección do monte, houbo algún foco o pasado ano. Dous dos maiores incendios da vaga do verán comezaron nalgunha destas zonas. Así o acreditan os datos completos dos incendios do pasado ano, logrados e liberados por Praza

Praza.gal obtén ao abeiro da Lei de Transparencia os datos completos dos focos de lume forestal rexistrados en Galicia o ano pasado, uns 1.500 incendios que inclúen os arredor de 1.300 dos que a Xunta non informou mentres sucedían. O que durante o verán foi abordado como un único incendio iniciado en Seadur (Larouco) de case 32.000 hectáreas, o maior documentado en Galicia, figura agora como dous, o da localidade ourensá e outro nunha parroquia lindeira de Quiroga. A suma de ambos chega case ás 33.000