Pola sanidade pública

Nas listas provisionais non foi citada nin como admitida nin como excluída, o que lle impediu coñecer a causa, que era que non constaba que tivese título de lingua galega, malia que si o tiña, e cando soubo o motivo e recorreu denegáronllo dicindo que era tarde

A nova iniciativa preséntase como máis flexible e voluntaria para os profesionais, aos que ofrece a posibilidade de realizar actividades hospitalarias desde prazas de atención primaria, o que faría estas máis atractivas ante as dificultades para cubrilas 

Os datos debullados sobre a relación contractual da enfermería co Servizo Galego de Saúde revelan que arredor do 57% do persoal na Atención Hospitalaria non ten praza fixa, fronte ao 36,7% na Atención Primaria.

A portavoz do BNG lanza varias propostas de mellora sanitaria e o presidente da Xunta desbótaas porque a nacionalista "na vida xestionou un euro público"

O colectivo Enfermeiras en Loita accede aos datos oficiais que revelan que o 52% do persoal de enfermaría da sanidade pública é eventual e non ten praza en propiedade. Supoñen unhas 6.000 dun total de 11.600. Sanidade di que máis de 3.000 prazas están en proceso de consolidación de emprego. 

A creación desta guía que permita unha mellora na atención dos partos responde a unha demanda social das nais que cristalizou no Parlamento galego a comezos de outubro. Foron necesarias centos de reclamacións nos hospitais para que o Sergas modifique os protocolos con carácter xeral. A medida será unha realidade no primeiro trimestre de 2024, segundo informou o conselleiro de Sanidade.

Fronte á diminución da espera cirúrxica e a estabilización nas consultas externas no global galego, o servizo de Rehabilitación do CHUO dispara a súa demora ante a incapacidade de Sanidade de cubrir as súas prazas

Unha norma permite cirurxías na privada pagadas polo Sergas se este tarda máis de 140 días, pero a unha muller que ía facelo así tras agardar 247 días a Xunta revogoulle o permiso 5 días antes sen explicacións. 546 días despois seguía agardando.

A demora cirúrxica caeu no primeiro semestre do ano ata os 66 días, aínda lonxe dos 54 días do mínimo histórico que chegou a haber xusto antes da pandemia, segundo datos que vén de divulgar o Ministerio de Sanidade e que a Xunta mantén ocultos

Centos de enfermeiras mobilizáronse en oito hospitais galegos en demanda de melloras nas súas condicións e contra a xestión laboral da Consellería de Sanidade.