Pola sanidade pública

A nova instrución do Sergas en Vigo é citar as crianzas "inicialmente con enfermería" cando non haxa pediatra no seu centro de saúde e soliciten a asistencia no día, polo que será esta ou este profesional quen realice "unha primeira valoración e comunicará a mesma telefonicamente ao pediatra". Desde a CIG-Saúde critican que se carga ao persoal de enfermería cunha responsabilidade que non ten que asumir

En vésperas de que a súa iniciativa lexislativa chegue ao Parlamento, SOS Sanidade manifestouse este mércores nunha vintena de localidades e volveuse desmarcar do pacto que puxo fin á folga "corporativa". Tras o desmarque de arredor de 300 médicos da área de Lugo, un manifesto de persoal ourensán coida que a folga foi desconvocada sen "abordar con seriedade" o "fondo dos problemas" no Sergas nin ter en conta "as necesidades dos pacientes"

Xunta e PP retrucaron a protesta de SOS Sanidade en febreiro con alcumes e acusacións de partidismo aos convocantes. A folga de CESM recibírona con contrariedade, pero con cautela e "man tendida".

A AGDSP ou SOS Sanidade Pública censuran que o acordo para desconvocar o paro se basee no aumento das retribucións e na ampliación a todo o persoal do plus por traballar só no Sergas e esqueza melloras asistenciais ou estruturais. Advirten dunha "estratexia electoral" de cara aos comicios sindicais. 

O pacto co Sergas para suspender a folga do CESM inclúe remunerar máis as gardas e que os arredor de 1.400 médicos que tamén traballan na privada cobren o complemento duns 800 euros ao mes ata agora reservado a quen ten exclusividade coa pública. Sanidade remite mensaxes a pacientes afectados polos milleiros de citas canceladas pedindo desculpas e indicando que reprogramará as súas consultas, probas e operacións cirúrxicas

Eventuais en Loita advirte do "risco" que corre a atención hospitalaria en Galicia o 25 de xuño ante a presenza nas oposicións en Silleda de milleiros de profesionais temporais que, segundo os seus datos, supoñen dous terzos do total do persoal.

O sindicato convocante advirte da posibilidade de suspender "temporalmente" o paro se hai "uns acordos de mínimos" na reunión que terá con Sanidade o mércores, ao tempo que anuncia un acordo con CSIF para as eleccións sindicais. 

Os facultativos manteñen o pulso co Sergas na terceira xornada dun paro indefinido que serve para canalizar o seu fastío ante a "degradación" das condicións laborais e a "sobrecarga asistencial insostible". 

Galicia rexistra dúas vagas de mobilizacións sanitarias, a do sindicato médico CESM polas condicións do persoal facultativo e as de SOS Sanidade Pública a prol da atención primaria. Paralelas e mesmo coincidentes nalgunhas reclamacións, pero diverxentes tanto na súa representatividade como na visión global da sanidade pública

O sindicato CESM convoca un paro desde este martes e reclama unha xornada de 35 horas semanais, axendas de 30 pacientes como máximo en Atención Primaria ou que o plus salarial para quen só traballa na pública se estenda a quen o fai tamén na privada. A Asociación Galega en Defensa da Sanidade Pública cualifica de "oportunista" a convocatoria.

Unha nova normativa sobre as compensacións por tratamentos fóra da casa substitúe ás de hai máis de 20 anos, eleva o abono por quilómetro a 15 céntimos e inclúe a posibilidade de sufragar os gastos dun acompañante do doente.