As protestas por falta de profesionais ou especialistas e polas demoras nas consultas esténdense por numerosas comarcas onde familias reclaman unha solución que non dá chegado. O Sergas asume as eivas e advirte das súas medidas para palialas, pero apunta tamén o Goberno de España.
"Galicia dispón dun dos programas de detección precoz de cancro máis avanzados a nivel estatal", asegura a directora xeral de Saúde Pública, Carmen Durán
Sanidade subcontrata con varios centros privados diversos servizos médicos para a poboación de Ourense por uns 10 millóns ao ano ante a súa propia incapacidade para asumir as listas de espera
A número 2 de Sanidade evita valorar a vulneración de dereitos revelada polo Defensor del Pueblo e admite que o centro privado atende 26 pacientes do Sergas pero oculta o que lle paga
A Garda Civil detivo unha persoa tras pescudas que sinalan boticas e varios facultativos de Cangas e Vigo. A presunta trama estaría vinculada á distribución irregular de Rivotril, medicamento empregado para elaborar karbuki, a denominada droga dos pobres.
As organizacións sindicais con representación na mesa de negociación, entre eles CIG-Saúde, maioritario no Sergas, consideran "inaceptable" que o Ministerio "asuma" ou "propicie" presións e "preeminencia mediática" de colectivos gremiais á marxe das conversas oficiais. O Ministerio decidiu suspender a reunión prevista para este xoves ante a negativa das centrais a acudir.
"A idea é que sexa unha atención verdadeiramente comunitaria", asegura a presidenta da Asociación de Psicoloxía Clínica do Sergas, Marta González, sobre a incorporación de psicólogas e psicólogos clínicos á Atencion Primaria. O conselleiro de Sanidade di que "por unha cuestión de recursos" non será posible que haxa un psicólogo en cada centro de saúde do país, polo que aposta polas terapias de grupo. O Colexio de Psicoloxía lembra que son os especialistas quen decide o formato da atención
Rematou 2024 coa mellor cifra histórica, con 424 intervencións. Desde principios dos 80, cando principiou o programa, preto de 4.000 persoas doantes e as súas familias converteron o país "nun referente".
A proposta de estatuto marco do Ministerio de Sanidade, contra o que este luns se mobilizaron profesionais do Sergas en Galicia, prevé a exclusividade dos xefes de servizo nos hospitais públicos. A medida é rexeitada pola Xunta e organizacións como O'Mega ou Simega pero defendida por colectivos a prol da sanidade pública ou CIG-Saúde, sindicato maioritario.
Un informe do Defensor del Pueblo sobre o sanatorio privado La Robleda, que ten un concerto co Sergas, non atopa xustificación ao tempo que permanecen atados, illados e con tratamentos de varios fármacos en doses elevadas os preto de cen doentes ingresados. Os técnicos do Mecanismo Nacional de Prevención constatan a "mala praxe" clínica, a vulneración de dereitos fundamentais, a falta de persoal e o incumprimento de normativas a respecto das contencións mecánicas, de uso "habitual" en La Robleda
Foi un dos referentes na loita contra o peche do paridoiro hai cinco anos, o que lle valeu para que o Sergas lle abrise un polémico expediente finalmente arquivado. Desde o mesmo posto que ocupaba daquela, fai balance daquel conflito e da mobilización cidadá: "Foi algo extraordinario".
Un dos edificios do Hospital Marítimo de Oza sofre dende hai anos importantes filtracións de auga, debido á "piscina" que se forma no teito plano nos meses de chuvia. Estes problemas afectan sobre todo ás consultas de fisioterapia e á área de tratamento, que "durante o inverno están cubertas de sabas, empapadores e cubos de auga"