O secretario xeral do PSdeG inicia en Castro de Rei, cun centro de saúde "pechado todo o verán", un periplo no que prevé acreditar a "realidade" de "cantos médicos faltan, se están cubrindo as baixas ou as vacacións". Sanidade esgrime o seu plan para cubrir a Atención Primaria no verán e reitera que, en última instancia, a responsabilidade da falta de persoal é do Goberno de España
Dende a entrada en vigor da lei, hai hoxe tres anos, o número de solicitudes para recibir a prestación de axuda para morrer (PAM) en Galicia foi de 75 (10 no ano 2021, 28 no ano 2022 e 37 no ano 2023). A asociación DMD critica a “excesiva duración” do procedemento
A xustiza reprocha ao Centro Médico El Carmen ao que foi de urxencia o afectado que o desviase ao CHUO sen facerlle ningunha proba, e ao hospital público que non o vise un urólogo, "cuxa presencia non resultaría extravagante ás dez da mañá dun luns"
O sindicato de enfermaría SATSE calcula que as camas pechadas serán unhas 784 e só unha área, a de Ourense, manterá todas abertas. As camas pechadas son algo máis do 10% das dispoñibles. Sanidade reitera, como en anos anteriores, que estarían dispoñibles se fosen precisas durante un período no que se concentran as vacacións, e subliña os seus plans para Primaria
O plan asinado polo Sergas non especifica quen asumirá a responsabilidade da supervisión dos médicos en formación en cada momento, mentres que o Ministerio implica a todos os profesionais dun centro na supervisión dos residentes. "Se se cumpre a supervisión, estes residentes estarán en centros grandes onde normalmente xa non se substitúe. Polo tanto, o que este plan pode aportar para resolver problemas é mínimo", explica Manuel G. Moreira, da CIG-Saúde
Os residentes de Medicina de Familia e de Pediatría no seu cuarto ano de formación poderán actuar como médicos coa especialidade xa rematada e facer substitucións. Unha circunstancia excepcional que será voluntaria, retribuída e só durante os meses de estío
Se a media de espera xeral en toda Galicia é de 73 días, dez máis que medio ano antes, no CHUO é do dobre, 141 días, 24 máis que no anterior balance
"Non houbo médico a mañá do luns e tampouco os vai haber o mércores e o venres", detalla a veciñanza que participou no 'colapso' simbólico dos centros de saúde de Folgoso e Seoane do Courel para denunciaren as carencias de atención sanitaria neste Concello da montaña lucense. Mentres, a Xunta asume que este verán volverá faltar persoal médico nos centros de saúde, pero culpa o Estado
A Asociación de Pacientes e Usuarios do Hospital Clínico de Santiago volve denunciar que as e os doentes de cancro sofren atrasos de ata seis meses nas súas revisións e situacións de "saturación" no servizo que eleva as esperas nos tratamentos. Falamos con algunhas das pacientes e familiares afectadas.
O conselleiro Caamaño defende que a falta de persoal médico de Primaria no verán é "un asunto de competencia estatal" e pide unha reunión "urxente" á ministra de Sanidade. En realidade, o emprazamento parte da dirección estatal do PP como reproche a Mónica García. tras participar nunha manifestación contra a xestión sanitaria de Ayuso. Hai dous anos, o Sergas e o Concello de Sanxenxo ofreceron pisos de balde a persoal médico de fóra de Galicia que fose traballar a centros de saúde da vila durante o verán
"A falta de medios ha de imputarse á administración sanitaria", di o TSXG nunha sentenza que condena a Sanidade a indemnizar con 70.000 euros as secuelas dunha muller atendida no servizo de Neuroloxía da Coruña