Por segundo ano consecutivo, Galicia non deu cuberto todas as prazas MIR para médicos de familia: quedaron desertas 39 das 207 ofertadas, cos ocos concentrados nas áreas de Lugo, Ourense e Ferrol. É a segunda autonomía con máis vacantes nun contexto no que as prazas dispoñibles aumentaron un 111% nos últimos cinco anos
A xerencia da área sanitaria de Vigo reúnese cun grupo de pediatras ante o malestar creado pola norma na que o persoal de enfermaría ten que valorar as crianzas e consultarlles por teléfono aos pediatras e matizará o protocolo sen contar con enfermaría
“Que o doente non demande asistencia de urxencia non pode ser un factor negativo”, di a Valedora, que censura que a Xunta non informe da posibilidade de ir á privada a quen supere o prazo fixado na pública
"Hai profesionais, o que non hai son medios e condicións laborais dignas", di quen está a piques de iniciar a residencia para converterse nunha médica especialista no Sergas. Laura Abad, Adrián Castro e Xeila Crespo acaban de aprobar o MIR e explican a saturación que ven na sanidade desde dentro
A nova instrución do Sergas en Vigo é citar as crianzas "inicialmente con enfermería" cando non haxa pediatra no seu centro de saúde e soliciten a asistencia no día, polo que será esta ou este profesional quen realice "unha primeira valoración e comunicará a mesma telefonicamente ao pediatra". Desde a CIG-Saúde critican que se carga ao persoal de enfermería cunha responsabilidade que non ten que asumir
En vésperas de que a súa iniciativa lexislativa chegue ao Parlamento, SOS Sanidade manifestouse este mércores nunha vintena de localidades e volveuse desmarcar do pacto que puxo fin á folga "corporativa". Tras o desmarque de arredor de 300 médicos da área de Lugo, un manifesto de persoal ourensán coida que a folga foi desconvocada sen "abordar con seriedade" o "fondo dos problemas" no Sergas nin ter en conta "as necesidades dos pacientes"
Xunta e PP retrucaron a protesta de SOS Sanidade en febreiro con alcumes e acusacións de partidismo aos convocantes. A folga de CESM recibírona con contrariedade, pero con cautela e "man tendida".
A AGDSP ou SOS Sanidade Pública censuran que o acordo para desconvocar o paro se basee no aumento das retribucións e na ampliación a todo o persoal do plus por traballar só no Sergas e esqueza melloras asistenciais ou estruturais. Advirten dunha "estratexia electoral" de cara aos comicios sindicais.
O pacto co Sergas para suspender a folga do CESM inclúe remunerar máis as gardas e que os arredor de 1.400 médicos que tamén traballan na privada cobren o complemento duns 800 euros ao mes ata agora reservado a quen ten exclusividade coa pública. Sanidade remite mensaxes a pacientes afectados polos milleiros de citas canceladas pedindo desculpas e indicando que reprogramará as súas consultas, probas e operacións cirúrxicas
Eventuais en Loita advirte do "risco" que corre a atención hospitalaria en Galicia o 25 de xuño ante a presenza nas oposicións en Silleda de milleiros de profesionais temporais que, segundo os seus datos, supoñen dous terzos do total do persoal.
O sindicato convocante advirte da posibilidade de suspender "temporalmente" o paro se hai "uns acordos de mínimos" na reunión que terá con Sanidade o mércores, ao tempo que anuncia un acordo con CSIF para as eleccións sindicais.
Os facultativos manteñen o pulso co Sergas na terceira xornada dun paro indefinido que serve para canalizar o seu fastío ante a "degradación" das condicións laborais e a "sobrecarga asistencial insostible".