A Sociedade Galega de Medicina Interna apoia as protestas do persoal e propón varias medidas a Sanidade, á que acusa de non responder ante a "sobrecarga asistencial" e permitir que os máis novos marchen buscando mellores condicións.
O traslado dun home grave en padiola e pola rúa ata un helicóptero por falta de vehículo sanitario no Rosal volveu situar no foco un sistema criticado pola oposición, que pide a súa xestión pública, e polo seu persoal.
Internistas piden unha reunión coa Xunta e advirten de mobilizacións e mesmo folga tras rexeitar o acordo que a Consellería anunciou cos xefes de servizo e os contratos con mobilidade. "Fan falta máis profesionais", aseguran.
A sanitaria compostelá, presidenta da Asociación MIR España, advirte de que "a precariedade é o principal motivo polo que o persoal se afasta da Atención Primaria", logo de que España e Galicia non desen cuberto todas as prazas de formación para Medicina Familiar este ano.
"A solución á falta de persoal en Atención Primaria non pasa por medidas populistas, senón por un cambio na política que proporcione condicións laborais dignas e estables", advirte a Asociación Galega para a Defensa da Sanidade Pública
O Concello dará aloxamento gratuíto ao persoal facultativo que decida traballar entre xuño e setembro na localidade, que pode multiplicar ata por cinco a súa poboación, logo dun convenio asinado co Sergas.
“Temos un aumento de lista de espera como non se viu nunca”, critican desde o Movemento Galego da Saúde Mental, que advirte do escenario “desalentador e preocupante” no Sergas, que non está a cumprir coa incorporación de profesionais anunciada por Feijóo en 2020. Sanidade trasladou este mes que levan 117 contratacións de persoal ao abeiro do Plan de Saúde Mental.
Das 142 vacantes MIR dispoñibles, nove delas quedaron desertas, todas na área de Lugo. No conxunto do Estado son 200 sen cubrir. Agrávase así o déficit de persoal nesta especialidade mentres profesionais alertan dunha "sobrecarga crónica, insostible e inaceptable" na Atención Primaria. "Que agardaban que pasase?", pregúntanse
Os datos empeoran en todas as áreas sanitarias agás Pontevedra, e en Ferrol dispáranse a 90 días, cando a lei establece un máximo de 60. Tamén os datos das consultas externas empeoran, con 56 días de espera.
A VII Marcha de Eventuais do Sergas, organizada por Prosagap, partiu nesta ocasión do Cebreiro para demandar o recoñecemento da carreira profesional para o persoal eventual e esixir "un sistema de contratación xusto".
"Queremos instar a Consellería de Sanidade a implantar de forma inmediata unha atención primaria digna, con profesionais suficientes para atender con tempo os pacientes, así como unha atención hospitalaria con capacidade para atender o 100% da cidadanía sen insoportábeis listas de espera", resume a plataforma SOS Sanidade Pública