Eventuais en Loita lanza outra voz de alarma ante a falta de profesionais, o "esgotamento" pola pandemia, a "fuxida" de enfermeiras a outros territorios e a precariedade e "realidade ficticia" no Sergas.
Os datos da primeira metade do ano, habitualmente mellor que a segunda metade, están dez días por riba do límite fixado na lei de garantías sanitarias
A vacinación masiva deixa os centros de saúde sen enfermeiras, que dobran quendas para cubrir vacacións e asumen máis carga de traballo polo impacto dunha onda que se ceba na medicina familiar.
A veciñanza subliña que a dispersión da poboación e a súa elevada idade media fai preciso cubrir a praza do doutor xubilado. "Se hai dúas urxencias, a resposta vai ser a da última vez, que a doutora escolla a prioritaria?", pregúntanse
O resto de profesionais deberán acreditar a titulación e ter un ano de experiencia ou pasar un curso de adaptación gratuíto
Tres mil persoas manifestáronse o venres contra os recortes no centro sanitario que dá servizo a catro parroquias rurais do Concello de Marín, que suman cinco mil habitantes. Denuncian que a Xunta pretende "desmantelalo" aproveitando a xubilación dunha das prazas de enfermaría e a dun dos médicos
A Atención Primaria comeza o verán cun gran déficit de profesionais e co persoal ao límite despois de meses de pandemia. Falamos con María Xosé Abuín (CIG) e Javier González (CCOO), que reclaman o reforzo do nivel básico do sistema de saúde, clave tamén na loita contra a COVID aínda que moitas veces invisibilizado
A CIG-Saúde denunciou o peche da cociña do Hospital Álvaro Cunqueiro de Vigo por obras de mellora tras seis anos de uso e estuda pedir unha investigación dos "controis de calidade" da construción do edificio, levada a cabo nun réxime público-privado. O plan inicial da concesionaria era trasladar os alimentos dende Zaragoza durante as obras da cociña viguesa
Sanidade confirma a sanción de dous días de suspensión de emprego e soldo que o afectado considera unha "vinganza" pola súa oposición á clausura da sala de partos. Anuncia que acudirá ao xulgado de non prosperar o recurso ante o conselleiro.
O groso da lei de eutanasia entra en vigor este 25 de xuño, pero o artigo que estipula a creación dunha Comisión de Garantía e Avaliación para aplicala en cada comunidade autónoma leva tres meses vixente. Feijóo di "entender" que a Comisión estará "en vigor para que se poida responder ás primeiras solicitudes" de eutanasia que reciba o Sergas e confronta a nova lei coa que regula en Galicia dende 2015 os coidados paliativos, a sedación e outros procedementos para persoas enfermas terminais
500 profesionais das fundacións de investigación sanitaria contan agora cun convenio colectivo que equipara os seus dereitos aos dos empregados do Sergas en canto a permisos e categorías profesionais