SOS Sanidade Pública xunta outra volta en Santiago miles de persoas para sinalar o que considera "consecuencias directas da política de desmantelamento" do Sergas. Persoal dabondo de medicina de familia e pediatría nos centros de saúde ou un "plan de choque con máis recursos públicos" para paliar as listas de espera, entre as principais reivindicacións
SOS Sanidade Pública volve convocar unha manifestación en Santiago de Compostela para este domingo, 6 de abril, que sairá ás 12h da Alameda para rematar no Obradoiro. Reivindicarán na rúa os tres "piares básicos" do sistema sanitario público galego: a atención primaria, a atención hospitalaria e a sanidade pública
Despois do derrubamento do falso teito na sala de partos o 30 de decembro de 2023, a Consellería de Sanidade coñecía o risco de que o teito seguira caendo en todo o hospital Materno Infantil de Ourense, onde esta fin de semana se produciu un novo incidente, porque xa sabía a causa. Agora o conselleiro di que van "anticipar" os traslados
A santiaguesa Ángela Orgaz foi transplantada de pulmón hai menos de tres anos; o ferrolán Abelardo Sánchez leva máis de vinte vivindo cun fígado doutra persoa. Na semana que se conmemora o Día Nacional do Transplante, falamos con ambos sobre as operacións que lles permitiron salvar a vida. Dúas dos dez milleiros dese tipo que se deron xa en Galicia.
Contratar a residentes de Medicina de Familia e Pediatría nos seus últimos meses de formación para que consulten "con supervisión" volve ser o plan da Xunta para a época estival
O servizo de Cardioloxía da área sanitaria de Lugo é, con máis de cinco meses, o que rexistrou maior demora media para lograr consultar con especialistas no peche de 2024. Psiquiatría na área lucense, Oftalmoloxía e Rehabilitación na ourensá e Neuroloxía na de Pontevedra tamén están por riba dos catro meses de espera
Arredor de 5.000 persoas, segundo a organización, saen á rúa contra as eivas no Sergas. O PSdeG acusa o PPdeG de "facer un Mazón" ao organizar un xantar na mesma localidade e o mesmo día da mobilización. O BNG pide ao PP que "resucite e fortaleza" a sanidade pública.
Unha manifestación percorrerá este domingo Viveiro "pola resurrección" do sistema sanitario público nunha comarca epicentro desde hai anos das protestas contra as deficiencias no Sergas. A Xunta recoñece o déficit de profesionais pero asegura que é "responsabilidade directa" do Goberno central.
"A mellor opción sería a creación dunha empresa pública para financiar a construción e posta en marcha do hospital", conclúe o traballo de análise do modelo de financiamento de iniciativa privada empregado pola Xunta de Feijóo no Hospital Álvaro Cunqueiro de Vigo, publicado na revista especializada International Journal of Healthcare Management por Francisco Reyes, Mª Fe López e Sergio Cinza
A demora cirúrxica media do Sergas diminúe levemente e rematou 2024 en 61,7 días mentres o total de pacientes en agarda aumentou un 7,3%, ata 48.335. A área compostelá é a única na que aumenta o tempo de espera medio a respecto de hai un ano e a coruñesa, a que rexistra unha demora máis prolongada. A demora media en consultas cae 12 días e o total de pacientes en espera, un 7,5%