O Consello de Goberno da Universidade de Vigo aprobou a expresión de interese na implantación do Grao en Medicina na institución. Porén, deixou a decisión en suspenso durante un mes, o prazo límite que dá para que se completen as negociacións para a descentralización da docencia no segundo ciclo.
A avogada e ex alcaldesa do Porriño Eva García de la Torre xa é a primeira muller en recibir o recoñecemento oficial de vítima do Padroado de Protección á Muller. Ela morreu sen poñerlle nome á represión que sufriu, pero a indagación da súa viúva abre un precedente para que o Estado recoñeza a estas mulleres como vítimas do franquismo
A nova ordenanza de recollida de refugallos da Mancomunidade que agrupa a Cangas, Moaña e Bueu sobe as tarifas para paliar un déficit de 2 millóns anuai, adaptarse á norma estatal e encaixar os incrementos de Sogama. "Un grupo minoritario de manifestantes arengados por edís do PP, converteron unha protesta lexítima nun ataque violento", afirma o Bloque, que esixe a Rueda unha "condena" explícita" do acontecido
A Audiencia de Pontevedra vén de condenar a 18 meses de prisión a un home ao que dúas persoas entregaron 1.420 e 700 euros respectivamente en concepto de reserva e fianza por unha vivenda sobre a que en realidade non tiña dispoñibilidade. As vítimas reclamáronlle sen éxito as chaves da vivenda e, posteriormente, a devolución do diñeiro, tamén infrutuosamente.
Na mañá do 27 de setembro de 1975 a ditadura levou a cabo as súas derradeiras cinco execucións, entre elas a deste militante do FRAP que fora acusado da morte dun policía. O mes pasado o Goberno anulou a "ilexítima" condena. Falamos coa súa irmá Flor Baena, que destaca que "é importante que os rapaces de hoxe saiban o que pasou neses anos, porque hai un gran descoñecemento"
O libro 'El último refugio', de Isabel Parreño, é unha porta aberta aos fogares de catro escritoras que deixaron fonda pegada na literatura universal: a británica Virginia Woolf, a rusa Anna Ajmátova, a danesa Karen Blixen e a galega Emilia Pardo Bazán
Comboios de Portugal confirma ao Eixo Atlántico que prevé enviar ao Norte máis locomotoras diésel contra finais de ano, cando remate as obras de electrificación da liña do Algarve, e retomar así o servizo con Galicia sen transbordo en Viana do Castelo
O complexo, co apoio expreso da Xunta e do PP, vén de iniciar a súa segunda fase logo de que a primeira comezase en 2019 de xeito ilegal, segundo constatou a xustiza, e fose despois legalizada
Protección de Datos considera moi grave que a empresa non comprobase o Código Universal de Punto de Subministro (CUPS), identificador exclusivo de cada subministración de electricidade ou gas
Xa está en marcha o procedemento para declarar a Illa de San Simón como Lugar de Memoria Democrática. Polo campo de concentracióm franquista pasaron máis de 5.600 prisioneiros entre 1936 e 1943 e nel está documentado o falecemento de máis de 500 persoas por fame ou enfermidades, ademais das fusiladas ou paseadas. Os usos futuros da illa deberán desenvolverse "con pleno respecto á dignidade das vítimas", sinala a declaración.
'Romería' explora a viaxe que a cineasta Carla Simón emprendeu con dezaoito anos para coñecer a súa familia paterna, á que forza a responder preguntas silenciadas e enterradas. Estréase o 5 de setembro
O 27 de agosto de 1936, hai 89 anos, foron fusilados no cemiterio vigués de Pereiró un grupo de políticos republicanos e de esquerdas, entre eles os alcaldes de Vigo e Lavadores, ademais de numerosos sindicalistas. Abel Caballero destaca que "foron asasinados por ser demócratas e defender a cidadanía” e alerta de que “estamos a vivir o revival daquel fascismo" e critica os que "pactan" con estas forzas.