Vigo

A ocupación dun camiño cun muro foi xustificada "por seguridade" do presidente, pero tamén comparada co uso de terreo público para supresión de barreiras a persoas con discapacidade. Malia as demoras que experimentan todo tipo de trámites da administración autonómica, a directora xeral de Urbanismo e a policía adscrita ao Goberno galego reaccionaron en poucos días para desbloquear a segunda residencia do líder popular.

A Biblioteca Pública Municipal Neira Vilas vén de publicar o Mapa Literario de Vigo, unha ferramenta colaborativa que recolle o denso espazo literario que constitúe a cidade olívica. O documento inclúe 3307 referencias a 285 novelas de 153 autores e autoras distinta e deseña unha ducia de rutas para percorrer os lugares que aparecen en cada obra literaria.

A ilegalidade dun aval presentado pola empresa viguesa levou o país sudamericano a anunciar a rescisión do acordo para a construción de dúas patrulleiras. A compañía ofrécese a presentar outra garantía para evitar unha ruptura que se encamiña cara á vía xudicial e que pode prexudicar o conxunto do sector.

Ignatius Farray, Héctor de Miguel, Teresa Rabal, Paula Carballeira, Noel Ceballos, Luz Casal, Touriñán, Yolanda Castaño, Bea Lema, Javier Jaén, Lucía Aldao, Bea Gregores, Grande Amore, Eva Mejuto... A listaxe de creadoras e creadores que forman parte da segunda edición do Hematofesti, que se celebra en Vigo do 4 ao 8 de novembro, é case tan longa como a rede de afectos creada arredor deste festival de humor e literatura infantil

Audasa é finalmente condenada a devolver o importe íntegro das peaxes cobradas nos 81 momentos concretos nos que o tráfico se viu afectado, entre 2015 e 2018, no treito da ponte de Rande durante as obras de ampliación

Para reflexionar sobre os vasos comunicantes entre Memoria e Cultura que se dan cita na illa de San Simón xuntamos ao cineasta Miguel Ángel Delgado, que vén de estrear o filme sobre o campo de concentración franquista 'San Simón'; ao seu protagonista, o actor Flako Estévez; e á poeta e mestra viguesa Oriana Méndez

O TSXG anula o despedimento dunha traballadora dun piso de menores no que se denunciou unha violación e di que non se lle pode reprochar que ademais das tarefas da casa e administrativas "estea vixiante todo o tempo"

O Consello de Goberno da Universidade de Vigo aprobou a expresión de interese na implantación do Grao en Medicina na institución. Porén, deixou a decisión en suspenso durante un mes, o prazo límite que dá para que se completen as negociacións para a descentralización da docencia no segundo ciclo.

A avogada e ex alcaldesa do Porriño Eva García de la Torre xa é a primeira muller en recibir o recoñecemento oficial de vítima do Padroado de Protección á Muller. Ela morreu sen poñerlle nome á represión que sufriu, pero a indagación da súa viúva abre un precedente para que o Estado recoñeza a estas mulleres como vítimas do franquismo

A nova ordenanza de recollida de refugallos da Mancomunidade que agrupa a Cangas, Moaña e Bueu sobe as tarifas para paliar un déficit de 2 millóns anuai, adaptarse á norma estatal e encaixar os incrementos de Sogama. "Un grupo minoritario de manifestantes arengados por edís do PP, converteron unha protesta lexítima nun ataque violento", afirma o Bloque, que esixe a Rueda unha "condena" explícita" do acontecido

A Audiencia de Pontevedra vén de condenar a 18 meses de prisión a un home ao que dúas persoas entregaron 1.420 e 700 euros respectivamente en concepto de reserva e fianza por unha vivenda sobre a que en realidade non tiña dispoñibilidade. As vítimas reclamáronlle sen éxito as chaves da vivenda e, posteriormente, a devolución do diñeiro, tamén infrutuosamente.

Na mañá do 27 de setembro de 1975 a ditadura levou a cabo as súas derradeiras cinco execucións, entre elas a deste militante do FRAP que fora acusado da morte dun policía. O mes pasado o Goberno anulou a "ilexítima" condena. Falamos coa súa irmá Flor Baena, que destaca que "é importante que os rapaces de hoxe saiban o que pasou neses anos, porque hai un gran descoñecemento"