Ana G. Liste

O Festival Internacional Outono de Teatro de Carballo abraza a diversidade desde as artes escénicas. Nesta edición número 32, que se celebra do 28 de setembro ao 31 de outubro, contará con 38 espectáculos, dez estreas absolutas e oito estreas en Galicia

A OMS alerta de que os casos de cancro medrarán un 47% nos vindeiros vinte anos, co foco na prevención. A investigación liderada pola biotecnóloga viguesa Alba Rodríguez Meira demostra o efecto da inflamación nunhas células presentes no sangue no desenvolvemento de tumores agresivos. Unha liña de traballo que abre a porta a tratar a un paciente antes de que chegue a desenvolver un tumor.

Mondra publica ARDĒN, o resultado de meses de experimentación musical tras toda unha vida vencellado aos sons da tradición galega. "Medrei xa dende os sete anos tocando a pandeireta e bailando, é algo que forma parte de min", asegura agora, aos 23 anos, a piques de comezar un novo espectáculo co seu primeiro álbum que presentará na sala Capitol de Santiago o 29 de setembro rodeado doutras artistas como as Fillas de Cassandra, Aida Tarrío e Berto. 

Marta Hazas e Javier Veiga rodéanse de amizades na película 'Amigos hasta la muerte', a súa primeira vez tamén como produtores, da que falamos con eles en Santiago de Compostela –onde remata a historia– uns días antes da súa estrea, que será este venres 22 de setembro nas salas de cine.

O artista multidisciplinar Berio Molina gaña o XVIII Certame de Arte Isaac Díaz Pardo da Deputación da Coruña coa peza audiovisual 'erre melón', unha crítica á perversión da linguaxe.

Triángulo de Amor Bizarro farán o ano que vén vinte anos como banda, vinte anos facendo un ruído que atrapa. Isa Cea, Rafa Mallo, Zippo e Rodrigo Caamaño, co que falamos nesta entrevista, están a presentar o seu sexto álbum, SED. Tocan o 22 de setembro no festival Noites do Porto da Coruña, un concerto que avanzan que será especial, e estarán no SeaSon Fest en Gondomar ao día seguinte. 

A Cámara aproba por unanimidade unha proposición do PSdeG que suxire a Sanidade que faga contratos de substitución polo período completo das ausencias ou amplíe as ofertas públicas de emprego para a sanidade pública

A Editorial Galaxia publica 'Síbaris', o único texto dramático que deixou escrito Domingo Villar. Chega ás librarías este mércores e estréase nos escenarios o día 30 en Vigo.

Un longo aplauso no Festival Internacional de Cinema de Toronto tras a estrea mundial de 'O Corno', rodada entre Galicia e Portugal. A segunda película de Jaione Camborda, protagonizada por Janet Novás, tamén aspira á Concha de Ouro en San Sebastián e abrirá o Curtocircuíto en Compostela.

A tese da arqueóloga do CSIC Cristina Incio del Río devolve ao mapa a aldea de Silvaescura, no municipio de Forcarei, que estivo habitada durante máis de tres séculos e que servirá para estudar os cambios nas casas do rural galego.

A dramaturga e narradora oral Paula Carballeira recibiu do Ministerio de Cultura o Premio Nacional de Literatura Dramática 2023 pola peza teatral 'As alumnas', editada por Galaxia e levada a escena coa produción de Culturactiva, que recupera a memoria da mestra María Barbeito, represaliada co golpe de 1936, a partir do relato das súas alumnas.  

Os vindeiros meses permitirán unha achega profunda á figura de Luísa Villalta con motivo da escolla da Academia da celebración en 2024 do Día das Letras Galegas na súa honra. Isto é unha primeira achega, imos mirar cara á poeta coruñesa desde as perspectivas de quen escribe poesía hoxe, en concreto, da man de Antía Otero, Silvia Penas, Oriana Méndez, Nuria Vil, Arancha Nogueira e Antón Blanco.