David Lombao
Entidades de Madrid, Murcia e Sevilla optan á xestión do centro de menores que a Xunta privatiza en Ourense
Unha das ofertas presentadas é da empresa sinalada pola oposición galega por estar a buscar persoal para un centro de menores en Ourense dende o pasado marzo
"Amoreados cun bocadillo e un iogur": a longa espera cotiá dos doentes de cancro no Clínico de Santiago
A Asociación de Pacientes do CHUS "aprecia as melloras" derivadas da separación de Oncoloxía e Hematoloxía, pero "persisten deficiencias inaceptables" nun espazo no que os doentes oncolóxicos deben pasar varias horas para ser avaliados e recibir tratamento
A Xunta pagou o complemento das pensións non contributivas con fondos doutras partidas sociais e débeda
A partida do complemento estaba incluída nos Orzamentos de 2017, pero dous días antes de ser aprobado no Consello, o pasado decembro, Política Social tivo que tirar cartos dunha ducia áreas sociais para pagalo. Esta axuda foi creada polo bipartito e o PP anunciou a súa eliminación en 2009, pero despois recuou
O PPdeG oponse á nulidade das condenas do franquismo dous meses despois de admitir que foi un réxime fascista
O BNG reclamou, co apoio de En Marea e PSdeG, que a Xunta apoiase ante o Estado a anulación dos xuízos franquistas para que "o nome das vítimas quede limpo da ignominia". "Non lles serve o de pechar feridas, pretenden que non se pechen, senón botar sal nas feridas", retrucaron os populares
Os Orzamentos do Estado volven confirmar que o proxecto de AVE de Ourense a Lugo non existe
A referencia nos Orzamentos á liña de alta velocidade que Feijóo chegou a prometer construír "con cartos da Xunta" vólvese limitar a "estudos" que aparecen nas contas dende hai anos mentres os traballos de mellora da liña convencional avanzan aos poucos
A xustiza anula unha multa da lei mordaza a unha manifestante por unha sentada na rúa en Santiago
O xulgado ve "contraria a dereito" a sanción imposta pola Subdelegación do Goberno na Coruña, baseada na acusación policial dunha suposta desobediencia e negativa a identificarse nunha sentada ante o antigo colexio Peleteiro durante as mobilizacións contra o desaloxo do centro social ocupado 'Escárnio e maldizer'
O investimento do Estado en Galicia segue no nivel máis baixo en 15 anos pola fin das grandes achegas ao AVE
GRÁFICOS O proxecto de Orzamentos Xerais do Estado entregado por Montoro este martes no Congreso prevé investir 936,79 millóns en Galicia, cunha suba interanual do 1,2% que é a segunda menor entre as quince autonomías nas que aumenta. Defensa consolídase como segundo ministerio máis investidor tras Fomento por mor das encargas a Navantia
En Marea contempla unha votación da militancia sobre a dimisión de Paula Quinteiro se non deixa o escano
Luís Villares agarda unha "resposta serea e meditada" de Quinteiro que pase pola súa dimisión tras o altercado coa policía "en coherencia" co "código ético" da formación
O banco malo tenta desfacerse de 41 parcelas da ruinosa urbanización de Fadesa en Miño
A quebrada inmobiliaria proxectara 1.200 vivendas na urbanización Costa Miño con apoio entusiasta do goberno municipal da vila. En 2017 o 'banco malo' negouse a informar o Parlamento sobre os activos inmobiliarios tóxicos que absorbeu no rescate de Novacaixagalicia
A Xunta define como "imprescindible" o centro de menores que privatiza en Ourense tras telo pechado seis anos
A responsable de políticas de infancia do Goberno galego defende no Parlamento a privatización do centro de Montealegre tras seis anos de peche e 2 millóns de euros públicos en reformas. En Marea, PSdeG e BNG esixen a permanencia do servizo no ámbito público
A Xunta conclúe nun informe de cinco páxinas que cumpre o 90% do que lle pide o Parlamento
O Goberno galego fixo público este mes a avaliación sobre o seu cumprimento dos acordos parlamentarios sen detalles sobre de que xeito cumpriu ou non cada un deles. O documento foi divulgado tras unha "reunión de traballo" ao respecto nun restaurante compostelán cun custo de 132 euros
O grupo parlamentario de En Marea acorda non pedir a dimisión da deputada Paula Quinteiro
O acordo pechado polo grupo contempla que Quinteiro pida a "apertura dun expediente informativo" sobre o altercado coa policía para detallar "todos os elementos que concorren no caso" e resalta que o acordo no que o Consello solicitaba o cesamento non ten "consecuencias directas"