Industria recúa e ergue o veto ás axudas a Santiago e Teo por enviar un informe en galego
O IDAE admite agora a tradución ao castelán do documento e permite que ambos gobernos opten aos préstamos para renovar o alumeado público. Nas axudas a empresas privadas o organismo estatal si admite documentos "en calquera das linguas cooficiais do Estado"
A natalidade galega comezou 2016 estancada nos seus peores datos históricos
Entre xaneiro e marzo naceron 4.693 persoas e morreron 8.705, segundo os datos provisionais do IGE. A Xunta salienta as axudas do 'cheque bebé' entre as súas medidas para inverter a fenda entre nacementos e mortes, que en 2015 foi a máis negativa da serie histórica
3.300 maiores de idade reciben o bono transporte que segundo Feijóo "se dá a xente que non pode votar"
"A tarxeta dáse a xente que non pode votar e din que é electoralista", afirmou Feijóo antes das eleccións. A Xunta sinala que o "obxectivo" do cartón é "facilitar o acceso da mocidade á sanidade ou a educación".
O alcalde de Ribadeo defende cobrar a auga ao Exército: "Tratamos a todo mundo igual, civil ou militar"
O PP ribadense carga contra a "penosa" decisión do goberno de Fernando Suárez (BNG), que cobrou á institución militar polos recursos que consumiu durante unhas manobras no municipio
A nova oposición galega, ante o reto de pactar para poder investigar unha vez a xestión do PP
Se En Marea, PSdeG e BNG xuntan os seus votos poden traspasar o limiar esixido polas novas normas para crear "de xeito automático" unha comisión de investigación durante a lexislatura
O bloqueo político permite ao PP seguir adiante coa LOMCE mentres o Congreso a rexeita
O Congreso aproba por segunda vez en seis meses unha iniciativa para frear a 'lei Wert' que, como a primeira, carecerá de efectos prácticos mentres o Goberno de Rajoy continúe exercendo as súas funcións
Así sería o novo Parlamento se Galicia fose unha única circunscrición electoral
Cunha circunscrición única o PP seguiría a ter maioría, pero menos ampla. Se o limiar da representación o 25S pasase do 5% ao 3% dos votos a distribución de escanos non variaría.
A Xunta non entregou catro de cada dez documentos que pediu a oposición a pasada lexislatura
A oposición formulou 1.232 solicitudes de documentación de 2012 a 2016 e o PP rexistrou 14. Só unha das once comisións de investigacións solicitadas foi aprobada, co accidente de Angrois como asunto máis vetado do mandato.
O PP de Ourense tamén esmaga no voto exterior e evita que o PSdeG sume un escano máis
Os de Baltar logran 1.059 votos do CERA fronte a 344 dos socialistas, que non logran o terceiro escano ourensán que os colocaría como segunda forza en representación parlamentaria. No conxunto do voto exterior o PP tivo o 49% dos apoios cunha abstención do 98%.
Centos de persoas retiran toneladas de lixo dos ríos galegos
Unha corentena de asociacións de toda Galicia colaboran na limpeza simultánea organizada polo Proxecto Ríos que impulsa Adega. Residuos de hostalería ou obras e mesmo animais afogados, entre o refugallos retirados polo voluntariado.
Os concellos da Arousa rebélanse contra a enésima caricatura como "capital do narcotráfico"
Municipios arousáns únense ao chamado do goberno da Pobra para esixir que a canle Cuatro "rectifique" tras emitir unha reportaxe na que presentou a vila como "capital do narcotráfico" con "taxas de criminalidade disparadas"
En Marea e BNG, primeiros grupos en botar a andar na nova lexislatura galega
Luís Villares e Ana Pontón reúnense cos que serán cadanseus grupos parlamentarios por primeira vez tras o 25S. Villares resalta que a nova formación "exercerá" como a primeira da oposición e Pontón avanza cal será a súa primeira iniciativa na nova lexislatura.