O CIS prevé que o PPdeG perda 5 escanos e a entrada no Congreso de En Marea e Ciudadanos
O estudo preelectoral do CIS augura que o PP sería a forza máis votada co 28% de apoios, uns 16 puntos menos. En Marea emerxería con ata 6 escanos e Ciudadanos tería representación pola Coruña e Pontevedra.
Por que a mocidade galega pesa pouco nos cálculos electorais dos partidos, en tres gráficos
O 20-D 82.500 persoas poden votar por primeira vez en Galicia nunhas xerais, no 2000 incorporáronse case o duplo por cumprir 18 anos. A comezos de século as persoas de 18 a 34 eran o grupo de electorado máis numeroso en Galicia e agora son o menor.
A Fiscalía arquiva a denuncia contra Baltar, agora demandado no xulgado
O fiscal non atopa probas que vinculen a relación sexual cunha oferta de emprego. A denunciante opta agora pola demanda xudicial, amplía a descrición e reclama que o presidente da Deputación sexa citado a declarar por presuntos delitos de acoso, prevaricación e violencia de xénero
Ciudadanos sentencia no seu programa que "a violencia de xénero afecta a homes e mulleres"
O partido de Albert Rivera equipara os asasinatos machistas coas "mortes de homes a mans das súas parellas", das que non ofrece datos, e atribúelle á lei vixente "asimetría penal por cuestións de sexo", polo que promete modificala.
O Supremo emenda o TSXG e tomba o plan urbanístico de Vigo
O TS considera que o plan vigués tería que ser sometido a un requisito ambiental creado despois do inicio da súa tramitación e declara "radicalmente nulas" as autorizacións outorgadas polo Concello e pola Xunta.
Baltar desbota que o seu caso prexudique o PP e traballará por unha "gran vitoria" de Rajoy
O barón ourensán augura que o 20-D a dirección do partido poderá "celebrar" un novo triunfo en Ourense tras unha campaña na que a dirección do PPdeG non prevé cambios no seu papel a respecto de anteriores comicios.
As persoas sen fogar claman por "solucións políticas" e contra a criminalización
Cáritas remata os actos organizados co gallo do Día das Persoas sen Fogar, no que persoas participantes dos seus programas apelaron aos "políticos responsables". A entidade destaca o déficit de prazas de albergues, que a Xunta deu por "libres".
A Xunta aprobará o seu 'cheque bebé' horas antes do inicio da campaña electoral
O Consello do vindeiro xoves abordará o "contido e alcance" da "tarxeta familiar" de 100 euros para "o 85%" das nenas e nenos que nazan en Galicia durante o ano electoral de 2016.
Baltar bloquea o acceso da veciñanza á Deputación e PSdeG e BNG denunciarano
O PP volve ficar só na defensa do presdiente ourensán ante a denuncia de emprego por sexo nunha tensísima sesión plenaria na que cargos populares inzaron os postos destinados ao público. Vídeo no interior
O comité ético dimitiu tras advertir que Baltar "non admite" nin "nega" a oferta de emprego por sexo
A acta asinada polos membros dimisionarios do comité de ética da Deputación de Ourense resalta que a resposta do barón do PP ourensán á petición de explicacións non foi "satisfactoria" nin "contundente".
Dimite en pleno o comité ético de Ourense antes de ditaminar sobre o caso Baltar
Todos os membros do organismo encargado de velar polo cumprimento do código ético da Deputación abandonan os seus postos antes de pronunciárense, a instancias do PSdeG, sobre a denuncia de emprego por sexo contra o barón popular.
Feijóo volve amparar a Baltar no día contra a violencia machista
O presidente da Xunta equipara agora a denuncia de ofrecer emprego por sexo co caso Pokémon e asegura que só actuará con "firmeza" cando haxa unha resolución xudicial. O BNG ínstao a promover a destitución do barón ourensán e condenar o seu "nepotismo".