A lei para instalar os servizos pendentes no Hospital de Lugo queda ata sen nome
O pleno do Parlamento aprobará a vindeira semana definitivamente o que queda da iniciativa lexislativa popular para instalar no HULA servizos de hemodinámica 24 horas, radioterapia e medicina nuclear. As emendas do PP dilúen os prazos e os compromisos sobre estas dotacións, prometidas por Feijóo en 2011.
A Xunta gasta 600.000 euros nunha nova campaña publicitaria para animar a ter fillos
Benestar disponse a contratar novos anuncios para fomentar a natalidade mentres a oposición censura a súa "hipocrisía" por desenvolver estas campañas mentres aplica recortes sociais. A Xunta mantén que a decisión de ter descendencia non está relacionada cos cartos ou o desemprego.
Fomento conxelará en ano electoral as peaxes que permitiu disparar durante a crise
O Goberno central aproveita o estancamento do IPC para decidir que non haxa subas nas tarifas das autoestradas de peaxe en 2015 un ano despois de permitir que, por primeira vez, percorrer a AP-9 supere os 20 euros. Audasa recada uns 300.000 euros diarios mentres teima en provocar atascos e reduce sistematicamente o seu persoal.
O Goberno de España indicoulle á UE que os 427 barcos do xeito eran 25
Os relatores do informe sobre o futuro regulamento comunitario sobre redes de deriva constatan que os gobernos galego e español informaron mal e tarde á Comisión Europea, expoñendo esta centenaria arte á súa prohibición total. Ven "clarísimo" que o xeito "é sostible" e amosan a súa confianza en que non será vetado. Vídeo no interior
A UE admite que as redes do xeito non son "un problema" e subliña que a Xunta informou tarde
Unha delegación de patróns e mariñeiros organizada polo BNG explica en Bruxelas por que a súa centenaria arte de pesca non debe ser incluída na prohibición das redes de deriva. O presidente da Comisión de Pesca da Eurocámara considera "unha provocación" o posible veto e compromete o seu apoio ao sector galego. Vídeo no interior
A frota do xeito leva a Bruxelas a defensa do seu modo de vida
A representante do Bloque na Eurocámara, Ana Miranda, leva á capital comunitaria unha delegación de patróns maiores e xeiteiros para que expoñan "directamente" a importancia de que esta centenaria arte de pesca non sexa prohibida pola Comisión.
Goberno e PP afirman e negan que a Xunta é investigada na Operación Zeta
Toda a oposición esixe a dimisión da conselleira de Traballo nunha comparecencia na que os conservadores reclaman explicacións sobre a xestión do Goberno bipartito e o resto de grupos, claridade sobre o financiamento do PP. Mato anuncia novas medidas de control sobre os cursos de formación.
"San Caetano cae a cachos"
A sección da CIG na Administración autonómica denuncia o desprendemento de varios anacos da fachada de pedra do complexo administrativo da Xunta. Segundo o sindicato, débese ao "incumprimento" do contrato de limpeza por parte da empresa adxudicataria.
O gasto de funcionamento da Xunta aumentou o seu peso ata 7 puntos con Feijóo
A aplicación do criterio que o actual Goberno emprega para presentar o seu investimento social prexudícao ao comparar os seus gastos de funcionamento cos do bipartito. Se o baremo son os fondos absolutos, o gabinete de Feijóo sae beneficiado.
A Xunta inxecta os primeiros 160.000 euros para a súa versión de Preescolar na Casa
Dous anos despois de favorecer a desaparición do programa socioeducativo que funcionou durante máis de tres décadas por consideralo innecesario o Goberno galego organiza cursos para as persoas que abrirán "casas niño", o proxecto para atender nenos e nenas en domicilios particulares.
Feijóo censura a "vaidade" na política mentres o PPdeG se proclama "invencible"
Os conservadores revólvense ante as enquisas que auguran que non acadarán a maioría absoluta en ningunha cidade galega nun mitin no que Feijóo dá por cumpridos "máis da metade dos compromisos" da lexislatura
A Unesco aplaude a conservación da Muralla de Lugo e pide máis persoal para xestionala
O monumento lucense fai este domingo catorce anos como Patrimonio da Humanidade cun "bo estado de conservación", segundo o organismo dependente da ONU, que cre necesario un "programa de educación e concienciación" sobre a construción romana.