David Lombao

O Consello das Linguas Oficiais, creado por decreto en 2007, tivo só tres xuntanzas e non mantén ningún encontro dende verán de 2010 

A reposición de só o 10% das baixas causadas por xubilacións forzosas provocan que Galicia sexa a cuarta autonomía que máis médicos perderá nos vindeiros anos. As asociacións de defensa da sanidade pública advirten das "evidencias" científicas que relacionan a redución de persoal médico por habitante e o incremento de enfermidades de detección doada.

O portavoz nacional do Bloque amósase convencido de que "a referencia do nacionalismo é e vai seguir sendo" a formación frontista e ve na fin das caixas galegas e en Conde Roa as mellores mostras do balance de tres anos de Goberno de Feijóo

O alcalde de Santiago, imputado por unha presunta fraude fiscal, amósase "tranquilo" e confía en que se arquive a causa contra el. O presidente da Xunta asegura que será "coherente e consecuente" coa Xustiza e cos estatutos do PP mentres PSdeG e BNG esixen a dimisión inmediata do rexedor compostelán.

Catro de cada dez persoas en situación de dependencia xa valoradas agardan para recibir a súa prestación, a segunda peor cifra de todo o Estado. Os recortes "retraen" os potenciais usuarios de pediren axudas á Xunta

O conselleiro da Presidencia céntrase en criticar que o bipartito non regulase a propaganda gobernamental ante as reclamacións da oposición, que lle lembra que prometeu ter a normativa en vigor "na primeira metade da lexislatura"

O PSdeG censura a "hipocrisía" dos populares por "recortar sanidade, educación e dependencia" mentres "dedican fondos públicos a crear un circuíto de golf"

Os afectados polas participacións preferentes das caixas trasladan as súas protestas ao Parlamento, esixen unha xuntanza co presidente e increpan o conselleiro de Industria nos corredores entre unha forte tensión. O xefe do Executivo equipara o "engano" das entidades financeiras co BNG por esixirlle na sesión de control que "actúe" para que "lles devolvan ata o último céntimo" aos clientes "estafados".

A substitución do alcalde de Santiago pola súa 'número dous', Paula Prado, motivaría que a nova alcaldesa, deputada pola Coruña, tivese que deixar o Parlamento, onde a lista do PP está esgotada e habería que darlle entrada a suplentes de difícil colocación na Cámara. PSdeG e BNG reiteran a necesidade de que o rexedor compostelán deixe o cargo tras admitir as súas débedas con Facenda.

A conselleira do Medio Rural insta a oposicióna non "tirar rendementos políticos" do lume das Fragas mentres o PP acusa a PSdeG e BNG de tentar crear "outro Nunca Máis" e censura a xestión de Touriño e Suárez Canal en 2006

Os conservadores manteñen a norma que recorta remuneracións e prestacións sociais aos traballadores públicos para aforrar 80 millóns, que o Bloque apostaba por substituír reducindo gasto corrente e subindo impostos ás rendas superiores a 100.000 euros.

A oposición galega pide ao presidente da Xunta que dea a cara e aclare a súa postura ante a nova tesoirada en sanidade e educación anunciada polo Goberno central. Para o socialista Pachi Vázquez, o axuste de 10.000 millóns supón "o tiro de graza" aos servizos públicos, mentres a nacionalista Ana Pontón considérao "un golpe de estado" contra o autogoberno.