David Lombao

O Valedor pedía en 2009 máis velocidade na atención ás persoas dependentes, que agora propón paralizar. O servizo de comunicación da institución asegura que Benigno López "en ningún momento reclamou a suspensión" da lei. Audio coas declaracións íntegras, no interior

Hai vinte anos o ex ministro de UCD Fernando Abril Martorell presidiu a comisión autora dun amplo catálogo de recomendacións para superar o "esgotamento" da sanidade pública. O Goberno de Felipe González desbotou as receitas, inzadas de repagamento e privatizacións, que volven estar de actualidade dúas décadas despois.

A secretaria de Estado de Sanidade, Pilar Farjas, suxire que o sistema público de saúde só financiará a interrupción do embarazo por razóns "médicas" e o Goberno galego prepara o Plan de Dinamización Demográfica, que inclúe as accións propagandísticas contra o aborto previstas na Lei de Familia

Pachi Vázquez lamenta que o Goberno central dilate as decisións sobre NCG Banco para "salvarlle os trastos" a Feijóo e sinala que as empresas que agardan por un crédito e os afectados das preferentes "non poden agardar" a outubro, cando remata o prazo para a eventual entrada de investidores privados

Armesto, Casares e Mato reclámanlle ao conselleiro de Educación que o incremento dos prezos das carreiras universitarias sexa o "mínimo" do que estipule o Estado mentres no exterior de San Caetano docentes e estudantes rexeitaban os recortes educativos

O PP bloquea a petición conxunta de comparecencia de socialistas e nacionalistas, que lembran que teñen "5.000 votos máis" que os conservadores. O líder socialista asegura que "son momentos de traballar unidos" e a voceira do BNG, Ana Pontón, censura que o presidente "viva fóra da realidade". Os conservadores evitan pecharlle a porta á fin das autovías libres de peaxe.

O Goberno galego responde a catro preguntas nas que PSdeG e BNG o cuestionaban polo peche temporal do complexo obviando que veta as visitas cando a familia Franco se atopa aloxada neste Ben de Interese Cultural

O ministro alemán de Finanzas louva en Compostela a política económica de Rajoy pero advirte de que "os mercados seguen nerviosos". De Guindos, que abre a porta á creación dun 'banco malo', evita confirmar a poxa de Novagalicia Banco e insta a "agardar" a setembro.

A renda media galega excedeu entre 2007 e 2009 en pouco máis dun punto o nivel esixido para seguir recibindo axudas estruturais de Europa. O BNG alerta de que a Xunta non está a facer xestións para evitar a perda de máis de 2.000 millóns e asegura que o "optimismo" do Goberno galego, que mantén que Galicia segue a ser territorio "en transición", non se "corresponde coa realidade".

O goberno vilagarcián (PP-Independentes) impulsa unha ordenanza de seguridade que, apelando ao "sentido común", prevé sancións para a veciñanza que se reúna nas beirrarúas da localidade, actitude que equipara a baixar dun coche en marcha.

O secretario xeral do PSdeG amósase convencido de que "Galicia vai responder nas autonómicas aos ataques á sanidade e á educación" e non ve "un trauma" na celebración de eleccións primarias no partido, porque despois delas "temos unha oportunidade clara de gobernar este país" se a esquerda é quen de "unirse".

O organismo que preserva o legado do Nobel de Literatura pasará a estar presidida polo conselleiro de Cultura e Educación mentres permanece no aire a posibilidade de que os fondos bibliográficos poidan ser trasladados á Cidade da Cultura, como figura nun convenio asinado en 2010