Marcos Pérez Pena

Este sábado 24 de outubro celébrase o Día da Biblioteca. Falamos con Eugenio Gómez, vogal de bibliotecas de Bamad-Galicia.

O profesor da USC Juan Gestal destaca que a ventilación continua dos espazos pechados é un dos instrumentos fundamentais para loitar contra o coronavirus. O CSIC recomenda abrir as fiestras cada dez minutos e de forma cruzada (ventás e portas a ambos lados). Anpas Galegas reclama criterios claros sobre como facelo e medios alternativos para renovar o aire das aulas.

No conxunto das residencias galegas houbo 38 falecementos de persoas con covid-19 no que levamos de outubro, a maior parte na provincia de Ourense, e un total de 90 na segunda vaga da pandemia. Nas últimas 24 horas rexistráronse 11 falecementos en toda Galicia, o que eleva a 100 a cifra dende o 1 de outubro.

A plataforma Vigo Ciclábel demanda ao Concello investimentos en infraestrutura, máis denuncias aos condutores que incumpran as normas, máis prazas de aparcamento de corta duración para carga e descarga e campañas informativas para fomentar a mobilidade sostible na cidade

Segundo os datos publicados esta semana por Eurostat, entre marzo e xuño producíronse só 117 defuncións máis que na media dos catro anos anteriores. Pola contra, no conxunto do Estado Español foron 48.000 as mortes por riba do esperado. En cambio, os falecementos rexistrados en agosto e setembro comezan a empeorar os indicadores galegos

A Xunta impón o nivel 2 de restricións en todo o país, cunha limitación da capacidade de todos os establecementos comerciais e de hostalaría ao 50% e sen consumo en barra. En Santiago e Milladoiro as xuntanzas quedan limitadas ás persoas convivintes e en Verín, Oímbra e Vilardevós, establécese un peche perimetral que só permitirá a mobilidade entre estes concellos

As nais e pais do alumnado de 1º de Bacharelato do IES Antonio Fraguas de Santiago inician mobilizacións este martes para esixir a contratación de seis docentes, que permitiría que todas as clases fosen presenciais. Denuncian o "agravio comparativo" con respecto ao estudantado doutros centros

A aplicación, que complementa a RadarCovid, está dispoñible para a súa descarga dende o sábado, pero aínda non para Android. A ferramenta comunica directamente ao usuario ou usuaria se deu positivo nunha proba ou foi identificada como contacto estreito e permite enviar directamente ao Sergas os datos sobre os contactos estreitos de cada persoa ou os locais nos que estivo.

Esta semana celebrouse o Día Internacional das Mulleres Rurais. Falamos con Isabel Vilalba, secretaria xeral do SLG, sobre as dificultades no acceso das mulleres á titularidade compartida das súas explotacións ou sobre a importancia do rural como espazo de produción de alimentos: "a cidadanía debe ter un poder crecente en decidir que alimentación quere e que paisaxe e que territorio quere"

A área sanitaria ourensá duplica a taxa de mortalidade do conxunto do país e suma medio cento de defuncións no último mes. A taxa de letalidade en Galicia (o cociente entre falecementos e casos totais) está no 2,85%, por debaixo da media española e con datos próximos aos de Alemaña ou Portugal

A pesar de que os datos da primeira vaga non son comparables ao realizarse agora moitas máis probas, as cifras amosan o empeoramento da situación en todas as áreas sanitarias. A incidencia acumulada supera xa os 158 casos por cada 100.000 habitantes en 14 días. Medra tamén a ocupación hospitalaria, sobre todo na área sanitaria ourensá.

Falamos cun representante da ANPA Andaravía do CEIP de Pedrouzos (Brión), cuxa mobilización conseguiu vencer as resistencias da Xunta, que admitiu que o Concello contratratase o persoal necesario para habilitar unha segunda quenda de comedor, do que quedaran fóra 200 familias. Esixen mudar o sistema de voluntariado que promove o Goberno galego por monitores/as profesionais.