Marcos Pérez Pena

Cinco das sete cidades galegas perderon poboación no primeiro semestre do ano, mentres que no 2019 seis gañaran habitantes. En cambio, localidades como Valdoviño, Xove, Barreiros, O Grove, Tui, Tomiño, Abegondo, Bergondo, Teo, Baiona ou Vedra incrementaron o seu padrón.

A entidade advirte de que estes intermediarios "ofrecen prezos ridículos" pretendendo obter dereitos exclusivos sobre todas as terras dos propietarios de montes e mesmo carecendo dun proxecto eólico.

A taxa de positividade segue á baixa e a incidencia está nos niveis do pasado mes de agosto, pero os hospitais continúan a notar o impacto da terceira vaga. Hai máis camas ocupadas que en decembro, cando se iniciou a desescalada que disparou os contaxios.

Segundo unha emenda presentada polo PP á súa Lei de recuperación da terra agraria, poderá plantarse máis eucalipto naquelas zonas nas que xa estivese presente esta especie de maneira absoluta ou maioritaria (superior ao 50% das árbores existentes) e sempre que as plantacións anteriores se levaran a cabo de acordo coa lei

Tal e como fora anunciado hai 15 días, no último envío Galicia recibiu o 8,35% das vacinas de Pfizer distribuídas en todo o Estado, fronte ao 5,2% que recibía antes. O ritmo da vacinación acelérase e nas últimas dúas semanas estase administrado unha media de sete mil doses diarias, o dobre que no primeiro mes e medio. O 6,44% da poboación galega recibiu xa cando menos unha dose.

As ocupacións ilegais de vivendas propiedade de persoas físicas (excluídas as pertencentes a bancos ou fondos) descenderon de 145 a 94 o pasado ano, no que houbo 15 desaloxos por cada ocupación

O Ministerio de Cultura vén de facer público o catálogo histórico do fotógrafo francés, que deixou milleiros de rexistros que constitúen o mellor arquivo visual do Estado Español nese século. Entre os documentos galegos destacan as imaxes das novas estacións e pontes do ferrocarril e unha gran serie da cidade herculina, que amosan moitos elementos xa desaparecidos.

Unha concentración nos Xulgados de Ordes reclama mecanismos de protección e autorizacións temporais de residencia para as vítimas. A situación que sufrían coñeceuse o pasado mes de xuño grazas á denuncia dun traballador que recibiu unha malleira e foi atado a unha árbore nun monte da zona.

A pesar da situación sanitaria, o programa que convida a falar galego dentro e fóra da aulas durante 21 días seguidos está a celebrarse en dez institutos de todo o país, coa participación de case 4.000 alumnos e alumnas e con novidosas colaboracións no 'Galicia por Diante' da Radio Galega e co 'Dígocho eu' da TVG. Falamos coa súa coordinadora.

Xabier Martínez Rolán, profesor da Facultade de Comunicación de Pontevedra e Teresa Piñeiro, investigadora da Universidade da Coruña, analizan centos de miles de mensaxes dirixidas mulleres con proxección pública, atopando unha moi elevada porcentaxe de insultos e ataques misóxinos

A prevalencia na cepa descuberta no Reino Unido vén medrando nas últimas semanas. Con todo, a porcentaxe pode variar moito, xa que está baseada na secuenciación dun número moi reducido de mostras aleatorias, menos de 100 por semana.

A mellora da situación é moito máis rápida que no resto da sociedade. Os casos activos nas residencias supoñen o 1,45% do total, fronte ao 4% que representaban en xaneiro ou o 7% de novembro. O efecto tamén se deixa notar no número de defuncións, 4 na última semana, fronte ás 108 de xaneiro.