Miguel Pardo

Advirte que o Goberno non dará "ningunha indicación" á Asesoría Xurídica da Xunta e que o seu informe sobre a petición de Villar Mir para segregar as actividades na Costa da Morte será "vinculante". En Marea e BNG rexistran a solicitude para que os traballadores comparezan na Cámara. 

Catro das seis adxudicatarias na repartición do Goberno central teñen proxectos en Galicia e unha delas é a galega Norvento, que obtivo 128,6 megavatios. Ventonoso ve unha oportunidade pero pide "acordos máis transparentes e xustos cos propietarios dos terreos eólicos".

A entidade resultante da compra en poxa do que quedaba das entidades galegas remata a súa etapa de transición, duplica os seus beneficios, inicia a súa expansión polo Brasil e medra con adquisións como a da división financeira do Popular. 

A empresa de Villar Mir reclama oficialmente a eliminación da prohibición de segregar as actividades de ferroaliaxe e produción eléctrica na Costa da Morte e advirte que é o "único" que garante "o futuro da compañía" en Galicia e "o mantemento de todo o traballo"

• En Marea e BNG temen que Feijóo acepte a "chantaxe" de Villar Mir, ao que acusan de "espolio"

Os traballadores insisten en denunciar graves atrasos na atención das emerxencias por erros no novo sistema informático tras o traslado da súa sede á Estrada, polo que piden compensacións nuns salarios duns 1.000 euros á empresa de telemárketing á que a Xunta paga 3,24 millóns de euros ao ano

A iniciativa cidadá, con presenza en 16 Estados, aterra na Coruña, que acolle a primeira mobilización no país a prol do proxecto comunitario. "É un europeísmo crítico; non todo é perfecto na UE e hai moito que mellorar, pero debemos valorar o logrado", di o seu impulsor. 

O equipo xurdido no Centro Galego da capital británica, a piques de cumprir 50 anos, gaña a súa Liga, obtén o subcampionato de Copa e cumpre xa os requisitos para obter praza no torneo máis antigo e con máis tradición do fútbol. 

Unhas 4.000 persoas maniféstanse pola devolución gratuíta ao Concello dos terreos portuarios e contra a especulación nunha xornada multitudinaria, festiva e reivindicativa polo espazo público para o litoral. 

ENTREVISTA | Øivind Østberg, avogado noruegués dos xubilados que loitan polas pensións do país nórdico, confía en vencer xa no Supremo logo de que un xulgado dese a razón ao goberno escandinavo na primeira etapa dunha batalla xurídica que, agás sorpresa, acabará en Estrasburgo. 

O acordo entre populares e nacionalistas vascos inclúe unha rebaixa tarifaria da electricidade que permitirá aforrar uns 50 millóns ás grandes industrias vascas desde 2018. Feijóo insiste en rexeitar a tarifa eléctrica galega que reclaman a oposición, sindicatos e varias administracións. 

O período vacacional e o bo tempo tira do emprego en Galicia, que rematou abril con 5.427 persoas menos inscritas nas oficinas de emprego, 23.524 menos que un ano antes. No mesmo mes o emprego medrou en 5.335 persoas, 21.112 máis que en abril de 2016

• O mercado laboral galego, incapaz de dar emprego á minguante poboación xuvenil

Máis de 1.500 traballadores dos 'call center' de Galicia participan nunha consulta organizada pola CIG para avaliar o preacordo asinado por CCOO e UGT coa patronal. O 95% dos consultados rexeitan o pacto e o sindicato, maioritario no sector no país, pide que se pregunte a todo o persoal 

• CIG e CGT critican con dureza o convenio do sector do telemárketing asinado por CCOO e UGT