Un xulgado admite o abuso das preferentes pero non as anula porque non se van repetir
A sentenza rexeita unha reclamación colectiva e ditamina que as cláusulas abusivas destes produtos "son a súa propia definición" e que os folletos informativos que aseguraban unha rendibilidade fixa non se poden considerar publicidade en si mesmos.
Ourense en Común anula as primarias tras un proceso "ilexítimo"
A plataforma cidadá decide este venres se repite a consulta ou pacta unha lista de consenso logo de que varios grupos acusasen a CxG dunha "carretaxe" de votos facilitada por un regulamento que non esixía o empadronamento na cidade nin ter asinado o manifesto.
As diferenzas entre empresas e Adif nas obras do AVE levan por diante centos de empregos
As firmas que traballan nos tramos da alta velocidade ata Ourense acumulan 200 despedimentos desde xaneiro, unha decisión que a CIG considera consecuencia dos "problemas de contratación pública" entre o xestor ferroviario e as UTE, ,ás que acusa de "condicións laborais miserentas".
A equidade educativa non é dabondo en Galicia
Un informe de Save the Children sitúa o país nun nivel "medio-baixo" en canto á igualdade de oportunidades dos nenos galegos no ensino. O estudo, baseado en varios indicadores, aproba as políticas públicas na comunidade a prol da equidade na escola, pero suspende as levadas a cabo fóra dela.
Apego, o proxecto para impulsar o galego desde a infancia arranca en doce concellos
A Baña, Carballo, Carnota, Ferrol, Narón, Negreira, Ourense, Pontevedra, Redondela, Rois, Santiago de Compostela e Vigo inician en maio unha iniciativa en rede que busca a socialización en galego dos máis pequenos e a implicación das familias na valoración positiva da lingua propia.
O aval do TSXG á exención de tributos ábrelles outra vía de batalla aos emigrantes retornados
Outra sentenza do alto tribunal obriga a devolver máis de 2.000 euros a unha persoa que tributara en Galicia en 2008 logo de recibir a súa pensión e tras traballar en Alemaña. A referencia aos convenios bilaterais para evitar a "dobre imposición" anima os afectados a acudir á xustiza.
As Marchas da Dignidade volven a Madrid "porque hai moitas razóns para protestar"
Unhas 2.700 persoas formarán a Columna Galega nunha nova mobilización do 22M este sábado á que se deprazarán máis de 30 autocares desde o país. "Será de novo unha marcha masiva malia os atrancos e o apagón informativo", advirten desde a plataforma en Galicia.
Julio Flores tentou impedir que se certificase o acoso laboral á testemuña protexida na Pokémon
O traballador do Acuario coruñés, clave na investigación da presunta trama corrupta, sufriu "acoso" e "acurralamento laboral" por "ter colaborado coa Xustiza", segundo De Lara, que denunciou tamén a súa detención "anómala" e o "asañamento periodístico" para "prexudicalo".
"O elixido fun eu pero puido ser calquera; só son o portavoz dun proxecto plural"
ENTREVISTA Xosé Mosquera é o candidato á alcaldía pola plataforma Ourense en Común, logo de vencer nunhas primarias con máis de 1.500 participantes. Membro de CxG, aposta por "mudar o xeito de facer política" e aclara que só milita "en dous sitios: en Ourense e na idea de país".
A xuíza implica a Negreira na "axencia de colocación" de "enchufados" da Pokémon
De Lara sospeita que os enchufes de Julio Flores tiñan o "consentimento" do alcalde da Coruña e investiga posibles delitos de "tráfico de influencias e suborno". Aclara que o número dous do goberno local tiña unha "lista para contratar" e "non actuaba illadamente", senón co "coñecemento" do rexedor.
O Estado regula o 'fracking' para impedir o veto das autonomías á polémica técnica
PP e PNV rexeitan as emendas á totalidade da reforma da Lei de Hidrocarburos, que impide o rexeitamento das autonomías á fractura hidráulica. O BNG advirte que Galicia "quedará a expensas do que decida Madrid" e censura as compensacións que pretenden "acalar a protesta social".
A LFP prohibe mensaxes "políticas, sociais ou reivindicativas" nos campos de fútbol
As exixencias da Liga aos clubs para acabar cos colectivos ultras nos estadios inclúen tamén a orde de que os recintos deportivos "queden para as expresións de apoio aos equipos" e reclaman que "en ningún caso" se permitan símbolos "alleos ao deporte".