Miguel Pardo

PPdeG e PSdeG amósanse en contra da reforma consensuada polos seus partidos en Madrid hai pouco máis dun ano e apostan por eliminar o voto rogado tras a elevada abstención nos últimos comicios autonómicos. "Non creo que sexa difícil chegar a un acordo", di o secretario xeral de Emigración.

Convencido do éxito da folga xeral, José Antonio Gómez, secretario xeral de UGT-Galicia, lembra que o paro "non debe ser só laboral, senón unha mobilización social" e insta o Goberno a que se "agarre" ao malestar social para "rachar coas máximas que impón a UE e Merkel".

Xabier Garrido, percebeiro e artista de Oia, presenta o seu monumento, un enorme tronco que será inaugurado o vindeiro 19 de novembro e que estará decorado coas máis de 1.600 pedras enviadas por voluntarios que colaboraron na limpeza da costa galega.

Un total de 42 organizacións do Estado, en representación de máis de 25.000 científicos, censuran con dureza os plans do Goberno en ciencia, tecnoloxía e innovación para os vindeiros anos e lembran que a estratexia "pasa de buscar a mellora do benestar social a estar dirixida polas empresas"

Greenpeace elabora dun detallado informe no décimo aniversario da catástrofe no que advirte de que outro sinistro semellante é máis que probable "mentres se continúe a depender do petróleo e mentres a Xustiza non teña os suficientes recursos para afrontar os delitos ambientais".

Xosé Manuel Sánchez Aguión, secretario xeral de CCOO-Galicia, cre que a folga xeral terá aínda máis apoio que a última en Galicia e pide que a colaboración sindical se traslade tamén ao ámbito político progresista. "Se nos metemos en liortas partidarias, o PP seguirá encantado e continuará gobernando este país", di.

Antón Sánchez, futuro deputado de AGE no Parlamento, asegura que a coalición "será unha forza á ofensiva" na Cámara. Este labrego de Bergondo confía no futuro da formación e advirte, tras o éxito urbano de Alternativa, que "todos os cambios de tendencia política en Galicia empezaron nas cidades".

A futbolista galega podería proclamarse campioa de Liga sueca se o seu equipo vence o líder no último partido de Liga. Completaría un ano espléndido logo de darlle á selección española o billete á Eurocopa no último minuto da prórroga.

O rescate europeo de 7.000 millóns provocaría o despedimento de máis do 20% dos traballadores da entidade, que acabarían na rúa cunha indemnización de 20 días por ano ao aplicárselles estritamente a reforma laboral.

Constitúese en Lugo unha nova asemblea de desempregad@s, que se une ás da Coruña e Ferrol. "Nesta situación, máis que a necesidade de falar, séntese a necesidade de actuar", asegura un dos membros do colectivo, que protesta contra a precariedade pero actúa tamén como rede de apoio e colaboración entre as persoas sen traballo. 

Máis de 3.000 familias galegas perderon a súa casa nos seis primeiros meses deste ano. Colectivos como Stop Desahucios denuncian que as administracións "non poñen ferramentas para arranxar o problema" e advirten do drama social que sofren moitos cidadáns.

José Francisco Sánchez-Brunete, secretario de Acción Sindical de CSI-F Galicia, explica os motivos polo que o seu sindicato non secunda o paro do vindeiro 14 de novembro."Non é o instrumento máis útil nestes momentos porque incrementa a mala imaxe do Estado e xera unha perda de confianza que non nos favorece en nada", di.