Miguel Pardo

Representantes institucionais próximos ao Encontro Irmandiño, Máis Galiza ou independentes de case trinta concellos deciden "iniciar un novo camiño que remate na construción a nivel nacional dun novo referente político". Os Ecosocialistas dan "por feito" que EI acabará uníndose ao NPC. 

O colectivo anuncia unha asemblea constituínte para o 9 de xuño á que convida “a cantos militantes do Bloque queiran compartir a idea dun nacionalismno de esquerda democrática e cunha clara vocación unitaria”. O MGS aposta polo Bloque "como referente único e inequívoco do nacionalismo" no seu cónclave.

O Consello de ministros aproba a eliminación das licenzas municipais previas de pequenos locais, unha iniciativa que a patronal galega cre "boa", pero que "non creará emprego nin aumentará o consumo". "O verdadeiro problema é a liberalización de horarios", advirte. 

Censuran a "demagoxia, falta de diálogo e campaña de intoxicación" do ministro e reclámanlle que "esixa o que teña que esixir á autonomía", pero que deixe ao Goberno galego "arranxar os seus problemas" no ámbito universitario. 

A empresa mexicana e o Goberno galego acordan a construción de "catorce remolcadores, sete en estaleiros galegos e outros sete en colaboración con estaleiros mexicanos". 

As dúas organizacións con maior implantación nos campus da Universidade de Santiago suman 37 electos e electas no órgano de representación da institución 

As plataformas e Adicae aumentan a presión na rúa e, malia "a esperanza" que supón a demanda civil contra NCG Banco, advirten do "alongado no tempo que pode ser o proceso xudicial". Os afectados, que reclaman un remedio axiña, maniféstanse mañá ante as oficinas da entidade en varias vilas e cidades galegas. 

O presidente da Xunta aclara no Parlamento que o Estado vén de enviar un plan alternativo ao 'tax-lease', logo de que Almunia o acusase de non presentalo aínda. O xefe do Executivo galego reúnese hoxe con Pemex tras unha xuntanza coa SEPI, mentres Marrocos advirte que os estaleiros galegos poderían participar na renovación da frota pesqueira do país africano. 

A asociación, que agrupa a máis dun milleiro de compañías, insiste en solicitar un banco público para Galicia e pide o apoio de todas as asociacións empresariais, pemes e autónomos. "É o momento de que a Confederación de Empresarios se amose a favor porque a súa base social si o está", asegura. 

A eurodeputada do BNG, Ana Miranda, esixe "unha resposta urxente" para os estaleiros galegos nunha reunión co comisario europeo, que insiste no modelo francés como alternativa ao tax-lease. Feijóo di que "non descansará" ata lograr "unha solución xusta e equitativa".

Comisións cifra en máis dun 30% o seguimento do paro en infantil, primaria e secundaria, mentres Educación redúceo ao 3,36%, o que interpreta como un apoio ás súas políticas, malia que CIG, UGT ou STEG non o secundaron. Aínda así, o seguimento foi masivo nas universidades. 

Carlos Taibo vén de participar nunha palestra en Santiago na que se analizaron as alternativas á precariedade e ao desemprego actual no Estado e en Galicia. O escritor, profesor e editor galego aposta por "crear espazos de autonomía con regras de xogo diferentes ás do sistema" e recoñece o seu "receo xeral pola vida política cotiá e convencional dos partidos e das eleccións".