Miguel Pardo

O comité de empresa explica os motivos que levaron os traballadores a denunciar a "manipulación informativa" na canle pública. "A dirección pisou o acelerador tras os últimos casos de corrupción política", explica.

O comité de empresa analiza o tratamento de varias informacións, denunciando a ocultación de datos na nova que relaciona a Feijóo con Marcial Dorado, a "minimización da resposta social aos desafiuzamentos" ou o "silencio" ante varias manifestacións.

Defende na folla de ruta de cara á asemblea acordos diferentes e con distintos actores segundo a cita electoral pero aposta pola "unidade de acción non excluínte". A asemblea local de Teo cre que a unidade do nacionalismo é "un chanzo máis na acumulación de forzas", pero "nunca pode ser un fin en si mesma".

Tende a man para ampliar AGE no borrador das teses políticas da súa próxima asemblea, onde fai unha intensa defensa do dereito de autodeterminación e critica que "o nacionalismo maioritario" difundise a "falsidade" de que é "unha forza de obediencia estatal".

O comité de Navantia desprega tres enormes carteis publicitarios con imaxes que simulan a caída dos estaleiros e a destrución de Ferrol para denunciar a situación "fantasmagórica" na que quedaría a comarca coa desaparición do naval. O autor das fotos explica a Praza a idea.

Mónica Arto, representante dos colectivos ecoloxistas na xunta consultiva do parque natural, denuncia a "parálise" e "opacidade" que a Xunta provoca na xestión do espazo protexido e denuncia a falta de avances un ano despois de que o lume que asolara a zona.

Nove de cada dez contratos asinados en marzo son temporais e dos 1.636 parados menos, 1.370 correspóndense co sector servizos. Case 125.000 galegos carecen de prestación.

Un colectivo leva case un ano reparando, limpando e rehabilitando zonas verdes, paisaxes ou espazos históricos ante o "desleixo e abandono" das administracións en Ferrol. Reclaman que o investimento da praza de España se dedique a contratar desempregados que fagan o traballo que eles fan voluntariamente.

Xulio Vicente, voceiro da plataforma de afectados polas preferentes do Baixo Miño, advirte de que os aforradores seguirán mobilizándose ata que lles devolvan os aforros e acusa o presidente da Deputación de Pontevedra de intentar "desviar a atención" cos ataques á súa figura.

Unha nova canle audiovisual prepárase para nacer en Galicia. Un "proxecto de activismo audiovisual" sen ánimo de lucro, en código aberto, baixo licenzas libres e dende abaixo á esquerda.

A Xunta paralizará definitivamente a Cidade da Cultura logo de que Feijóo dese marcha atrás na súa intención de rematar un proxecto comprometido coa polémica adxudicación dun goberno en funcións do que el era vicepresidente.

Presentará unha candidatura xunto a Rosario Álvarez e Torres Queiruga na que defenderá a total independencia da Academia, o seu impulso social e unha xestión profesionalizada.