O PSdeG promete que recuperará a gratuidade dos libros de texto
Pachi Vázquez mantivo un encontro con pais e nais de alumnos afectados pola suba do IVE no material escolar e prometeu de novo que nos cen primeiros días de Goberno anularía os concertos cos centros de ensino que segregan por sexo.
As asembleas de Anova aproban a fronte ampla para "desaloxar" a Feijoo
Entre o domingo e o luns a formación realizará a proposta formal a EU, BNG e aos partidos que compoñen Compromiso, aínda que Bloque e CxG xa manifestaron a súa negativa participar. Xosé Manuel Beiras insta "poñer o país por riba de intereses partidarios" e aclara que "nós non somos o centro desta fronte, só os que apostamos por ela de forma máis aberta".
E ti xa navegas en galego?
Un blog publica consellos para mudar a lingua do navegador, importante para potenciar as versións en galego de webs multilingües, as procuras da galipedia ou as descargas de programas na súa versión galega.
Bernardino fixo medrar o mar
A Coruña acolleu en distintos espazos da cidade unha orixinal e intensa homenaxe a Bernardino Graña, organizada pola AELG e Arteu, e na que participaron Manuel Rivas, Xosé Luís Méndez Ferrín, Xosé María Álvarez Cáccamo, Xabier Docampo, Anxo Angueira, Xurxo Souto ou Dores Tembras, entre ducias de poetas e músicos.
Don Núñez Feijoo en Brasil
Praza PúblicaOs partidos soberanistas de Quebec, favoritos nas eleccións deste martes
O Partido Liberal, no poder, podería perder a metade dos seus escanos, nuns comicios nos que o Parti Quebecois é o gran favorito. Sumando os seus votos e os da Coalition Avenir (unha escición de centrodereita do PQ), o sobearismo podería sentirse o suficientemente forte para convocar un terceiro referendo de autodeterminación.
EU podería pechar o martes a fronte electoral de esquerdas
Convocou "de urxencia" o seu Consello Nacional para ese día, co obxectivo de aprobar a coalición e até ese día acelerarán os contactos coas distintas formacións políticas interesadas no proceso de converxencia. Segundo os estatutos de EU, o acordo e un programa de mínimos deben ser aprobados polas asembleas comarcais da coalición, que se celebrarían o mércores ou o xoves.
CxG reitera a oferta de pacto a Anova e convoca primarias para o 9 de setembro
As votacións, á espera da resposta da formación de Beiras, serían "abertas a militantes, simpatizantes e cidadanía en xeral"
Jorquera: "Feijoo méntelle á sociedade galega para tentar reter o goberno"
O candidato do BNG, que interveu esta mañá ante o Consello Nacional, presenta a súa formación como "un dique fronte ás desigualdades e a inxustiza, fronte ao centralismo e a perda de democracia, que impulse a economía produtiva para crear emprego".
200 afectados polas preferentes protestan ante Rajoy e Feijoo na apertura da campaña do PP
Unha forte presenza policial impediu que os manifestantes se achegasen aos dirixentes populares, pero os seus berros reclamando a devolución dos seus cartos e responsabilizando o Goberno central e galego do sucedido interromperon os discursos dos políticos.
Aumentan as críticas pola xestión dos museos científicos da Coruña
María Xosé Bravo (BNG) considera que o nomeamento como directora dunha funcionaria sen experiencia neste campo, de confirmarse, sería unha mala nova “para a ciencia e a divulgación”, e tamén o medio especializado amazings.es amosa a súa preocupación pola destrución do labor realizado nos últimos anos.
Nace vintecinco.com, unha nova rede social en galego
O proxecto, cunha estética e funcionamento semellantes aos do Facebook, será público a partir do 3 de setembro. Está realizado por catro mozos e mozas de ao redor de 25 anos de idade.